الجزء 96 من واش طيبتي ,,,,ابداع حراير الجلفة تفضلوا غالياتي

[kakinova]

السلاااااااااااااااااااااااااااام عليكم واش أحوالكم نساوين بناويت


ام محمد بصحتك المشتريات بصح راهو كلحك البوش هادي دير 35 نلف و كاين لي ملاح تاع سيليكون السيليكون الحقيقي كيما نتاع سميرة ماشي لي قاعدة كي الباش ولا كتان نيلو ستين نلف مع 6 تاع لي دوي هاداك النوع كان عندي عمرتو و ضغطت تقطعت

و حقى عيد زواج سعيد ربي يخليكم لبعض أنا تاني عيد زواجي في 02 11 الظاهرة تزوجنا في عام واحد 2006 ولا راني غالطة هاداك أول عام دارو فيه العطلة تاع الخريف في نوفمبر


ام ياسين مبروك عليك الدار أختي و عتبة مربوحة ان شاء الله
على الكتابة اذا عنذك الرسام بانت ديري بالبوتون اليمين و ديري فتح فالرسام و كاين ديمونسيوني تصغري الصورة و تكتبي اسمك بلاما تحملي حتى برنامج


حياتي ما شاء الله طيابك و الكباب المشوي اممممممممممممممممممم ريوقي راهم يسايحو
هاديك الرشاشة تاع الليمون هايلة و عملية جدا ترشي في بلاصة ما تعصري و العلف يطيح فالصحن موصيبة
واش احوالك و احوال اختك لاباس


المبتدئة اممممممممممممم الشواء و مائدة تشهي

واش هو الزرير ؟؟؟؟؟؟؟؟؟ حنا عندنا الزرير هو الطمينة او البسيسة مصنوع من القمح



ام ماجد واش راكي لاباس ربي يفرحك هاد العام ان شاء الله بروزا و تطلع للجامعة و تتغرب مع ماجد و تولي تعززيها و ديريلها احسن من ماجد ربي يحفظهم
و حفيظ هيهيهيهيه نحيتيلو الكاس بيبرون ولا مازال ؟؟؟؟؟؟؟؟


الباقيات ما شاء الله واش حطيتو ربي يبارك في فحلات بلادي


ام أماني مبروك افتتاح الكوزينة و ان شاء الله بنتك تكون بخير حتى بنت سلفي صرالها نفس الشيء 20 يوم تماما ولات لاباس تحرك كتفها عادي رغم انو ما عملولهاش بلاتر جاتها فالكتف و هي صغيرة قالولهم عظم الصغار يرتاح بالخف و بالفعل هاداك هو اعطيلها اللبن و التمر و ربي يشفيها


هادو شوي صور كاين الجديد و كاين لي لقيتو فلاكارت ميموار قديم














هادا المرقاز درتو بلابوش جوتابل حشيت المصارن بالقمع الدائري لي مافيهش سنين و ندير بكمية لحم قد الكف دقيقة خلصت




مادلاني لخفيف كي لقطن




الطمينة او البسيسة و لا الزرير كل واحد كيفاش يقوللها كل عام لازم ندير منها مليحة لنمو الاطفال و فيها بزاااااااااااااف فيتامينات و معادن و فوائد للكبار و الصغار




سفنج




كيكة قدرة قادر دارت وقت حمى كبيرة درتها فردية طابت مليح و بوقت قصير و حتى لما قلبتها ما فسدتش و جات بنييييييييييييينة و في نفس الوقت حاجة بريزونتابل







كسرة حنا نسموها المعجونة تجي مبسسة شوية و طيب فالطاجين لمسرح تاع الطين و كاين لي يعملوها بلا زيت و يطيبوها في تاع لحديد







بيتزا ملكة المطبخ يحبوها لكبار و الصغار





سلاد دو فروي