مشكلتي عقدتني

[" أبو عبود"]

والله ضحكتيني يا بنت الناس. وين راه الجمال لي راكي تشوفي فيه؟ ياك الاغلبية تشبه لخوها وخوها يشبه لبيونة. والله العظيم الجمال عندنا كي النسا كي الرجال راه نادر. والدليل قاع الناس تتزوج كي القصير كي الطويل كي السمين. مكانش مقياس للزواج يا بنت الناس. اقسم بالله العظيم لو كان تشوفي بنات مزوجين تقولي ربي واش عجبو فيها مش وحدة مش زوج مش الف عشرات الآلاف. نحي من راسك فكرة ما تزوجتيش لانك مش جمييلة شوفي في بنات المدينة تاعك تشوفي بنات مزوجات اقل منك مليون مرة. وزيد علاه قاع الزينات مزوجين؟ بالعكس اغلب الجميلات ملي راهي صغيرة وهي الناس تحكي عليها والمعاكسات والمضايقات ما تلحقش 20 سنة حتى يبهدلوها وتولي سيرتها على كل لسان.
بالمختصر المفيد راه يجيك الزواج وتزوجي ان شاء الله وتولي تقولي العبارة المصرية الشهرية " يقطع الزواج وأيامه".