** ملـــــــكــــــة الفنـــــــون** الدرس الثاني--- الرسم على الساتان والبلاستيك ---

[fifiarch]

يومكم سعيد اخواتي ونتمنى الجميع يكونو بخير



بعد مرور اول اسبوع من دورتنا

وحتى نتذكر درسنا السابق وكذا لنترك مرجعا للاخوات زائرات الموضوع

مسابقتنا بعنوان

دورة***ملـــــــــــكة الفنـــــــــــــــــــــــون***


ودرسنا الاول كان

** ملـــــــكــــــة الفنـــــــون** الدرس الاول--- الرسم على الفودان ---


وهنا تجدن موضوع عرض الاعمال وتقييمها لاول درس

طبيقات المشتركات لدرس الرسم على الفودان من دورة ملكة الفنون

بسم الله وعلى بركة الله نبدا درسنا الثاني

الرسم على الساتان والبلاستيك

الدرس من تقديم الاخت



fifi arch

اخواتي نطلب منكم تدعولي بتسيير امري وربي ينولني ما في بالي

على بركة الله نبدا

بما انو اول اسبوع اتعلمنا الرسم على الفودان ولانو نملك المادة الاولية وهي الالوان مهما كان عددها قليل

معليش نستعملو خيالنا وابداعنا وحتى بلون واحد نرسمو شكل جميل

اليوم اخترت الجزء الاول

الرسم على الساتان

انا اخترت عمل طابلية كوزينة لايام التقلاش لانو عندي كون ماتكونش قماش وتشرب البلل تسمى راها للزينة برك

اولا نفصل الطابلية حسب الرغبة والشطارة...انا لا علاقة تسمى الخياطات اللي بالي بالكم اضربوا النح برك على الاغلاط



بعدها حاولت ندير سفيفة من الدبلة العريضة والصور تبين





الان بعد لا كملت خياطة ننقل الرسمة لي حابتها ونبدا العمل
هنا حبيت نستعمل الوسيط البركاني
خلطت القليل منو مع القليل من البانتير تحصلت على لون فاتح منها

وقمت بالتلوين بهاذ الطريقة



بعدها استعملت البانتير وحدها وعملت ظلال في الوردة



وكالعادة قبل لا تنشف نرش اللماع عليها



نفس الشيء مع الاوراق



لكن الاعراف استعملت لون اخضر اغمق ومن غير وسيط بركاني وكذا عملت بيه بعض الظلال



هكذا حتى نخلي كل الالوان تجف



ولانو مع وسيط بركاني او من غيرو لازم نستعملو المكواة حتى يعمل الوسيط البركاني وكذلك حتى يثبت اللون ومايطير بالغسل



هكذا ننهي عملنا





وهاذي بعض الامثلة الاخرى بالوان اخرى ورشمات مختلفة
لاحظو كيف يبان الشكل بومبي لانو استعملنا الوسيط البركاني
واكيد ممكن تستغنو عنو

















الجزء الثاني

الرسم على البلاستيك

كثيرا ما تكون عندنا مواد اولية ومع لمسة بسيطة نقدرو نغيروها تماما وتصير شيء مخالف واجمل

اليوم اخترت النابات البلاستيكية لي تتباع في كل الاسواق وبمختلف الاحجام

بلمسة بسيطة نقدرو نغيروها تماما وتصير بحلة وشكل مختلف واجمل

العملية بسيطة وماتحتاج اكثر من الادوات المبينة هنا





اولا نبدا بوضع الدبلة على حافة الناب بالشكل لي نحبو وفي اخر مكان نعملو بابيون ونزينوه بعقاشة







نفرش ورقة جرنال ونحط الناب فوقها للعمل



نبدا بالتلوين حسب الشكل لي نحبوه ونختاروه



نلون ونرش البريون حتى نكمل كل الاماكن من الناب لي اخترناها



واكيد اختيارنا لازم يكون بسيط حتى ما يجيش العمل شارجي











وهنا النتيجة النهائية للعمل






وهنا بعض الامثلة على الوان واشكال مختلفة









نتمنى يكون الدرس نال اعجابكن

اي استفسارات اكيد انا في الخدمة ان شاء الله

ملاحظة هامة

الاخوات مطالبات بتطبيق احد اجزاء الدرس على حسب الاختيار وترسل التطبيقات للمشرفة fifi arch قبل يوم الخميس على الساعة 20.00 ليلا ان شاء الله

تحياااتي للجميع