تورت السبانخ المميزة من مطبخى

[حياتي نبع امل]

البسملة1

اليوم نشوفو باذن الله طريقة تورت السبانخ

قبلها هادا عرفتوه

الان نشوو المقادير نحتاجو عجينة وحشوة
بالنسبة للعجينو نخدمها ونخليها ترتاح والوقت هداك نخدمو فيه الحشو اللى راح يكون مذاقو مميز وراااااااائع جدا
مقادير العجينة موضحة في الصورة

بالنسبة للبيشاميل كل اخت وطريقتها انا عينى ميزانى
نحط مغرف زبدة على نار قليلة ونضيفلها تقريب 3 ملاعق كبيرة فرينة ونحركها مع الزبدة ونضيف حوالي نصف لتر من الحليب الدافئ مع رشة ملح وفلفل ابيض ونحرك بالفوي باه ما تتكتلش

كى خلاص تثقل نزيدلها اما علبة كرام فراش ولا 2 فرماج ريجيم هدا وهدي الزيادة خديتها من عند الهام ربي يبارك فيها

ونزيدلها جبن مبشور كمية مليحة أي نوع عندك او خليط من الاجبان

من جهة اخرى ناخذ مقلاة وندوب ملعقة كبيرة زبدة ونضيفلها ربطتين من السلق المغسول والمقطع ومفور وشوية ملح وفلفل ابيض ونخلي السلق يتنكه بالزبدة يعنى نقلبو برفق


بعدها نقطع فوقو شوية فرماج كومومبارونقلب كى يدوب نزيد شوية فرماج غوج غابي

نطفي عليه النار ونضيف هاد السلق الى البيشامال ونقلب

نرجعو للعجينة

وهنا في السنيوة

نحط الحشو فوق العجينة ونسوييه

وبالعجينة الباقية نحلها ونقطع شرائط رقيقة في السمك وفي العرض ونحطها بهاد الشكل

نحتاج صفار بيضة وشوية جلجلان .ندهن الشرائط بالصفار ونرش جلجلان على الشرائط فقط وفي الفراغات ندير جبن مبشور وتقدرو ماتديروش

بقاتلي شوية خدمتها في تاع لي كيش

ندخلها لفرن متوسط الحرارة لكن يكون شاعل من قبل يعنى اشعلوه على نار متوسطة واخدموها وهاهى واجدة وبصحتكم

طعمها اكثر من رائع وحتى العجينة هاااايلة

جربوها واكيد راح تحبوها وتقيمونى واكيد راح تدعولي

ارائكم انقاداتكم وتشكراتكم وتقييمكم