حماتي سبب هلاكي

[oum imane83]

شحال سهلة الهدرة كي يكون الواحد مهني وراسو مرتاح.. شكون الي يقدر يطبق كلامك اميرة سنديرلا و قلبو مجروح ويعاني من سوء معاملة اهل زوحها وخاصة حماتها .. و الله كاين عايلات ماينفع معاهم لا كلام حلو ولا هدايا ولا اي شيء الي ماعنده رحمة و خوف من ربي خاف منه

اكيد ملازمش نعممو موش كامل العجايز سيئات والكنات ضحايا وبريئات كاين و كاين ..

الي يدخلو يشكيو و يكتبو مشاكلهم اغلبيتهم تلقاهم في حياتهم ما يهدروش و يخليو في قلوبهم نقدرو نقولو مغلوبات على امرهم و لقاو في هاد المندى الفضاء الي فسح لهم المجال للتعبير عن ما في قلوبهم ويفضفضو شوية .. لان العروسة الواعرة تجيب حقها بنفسها والكل يهابها في الدار ما تحوش مع من تفضفض ..

ما لازمش نلومو اي اواحدة .. حتى لعجوزة ادا حبت تدخل تحكي رنا هنا نسمعوها ما فيش مشكل ...

علابلنا بلي العجلة تدور la roue tourne .. والعجايز الواعرات اغلبيتهم راهم يرجعو لعرايسهم واش عاشو هوما لان قلبهم خلاص تعمر و اسود
و هكدا دواليك حتى تخلاص الدنيا