حماتي سبب هلاكي

[ام ملاك.]

اللي كاتبة الموضوع اكيد مزال ماتزوجتش
اللي راه في الوسع يهدر كيما يحب نهار تجربي ارجعي احكي
مانيش نقولك راكي غالطة مية بالمية بصح كاين حموات يالطيف يديرو المستحيل باش يخربو بيت وليدهم
صح يجي نهار ونولو حموات بصح الله لا يلحقني ليوم نخرب بين زوج حتى ولو وليدي مش معناها انا اللي ولدتو وربيتو نتحكم فيه كي الخاتم ولا نتدخل في اللي يعنيني واللي مايعنينيش
كلشي ليه حدود من حقها يحبها وليدها ويحترمها ويبر بيها بصح مش من حقها تتدخل في حياتو الخاصة وتتحكم في بنت الناس وتدير رايها فيها كي شغل ملقطتها من الشارع وبنتها تحرشها على راجلها واهلو؟؟؟ من اي منطق هذا؟
اعتقد اللي راه مجرب يفهم واش كتبت واللي ماراهش مجرب علابالي مايعجبوش كلامي ويحسني ضد الحموات ككل
وكيما كاين الحموات مش ملاح كاين الكنات اللي ماشي ملاح
لكن كيما قلت كلشي بالتجربة ويجي نهار وين تحسو وتشوفو بعينيكم
كاين حموات الله يسترنا هبلو كناينهم حتان دخلو لسبيطار المهابل كاين اللي هربوهم وطلقوهم وشردو ولادهم
وكاين وكاين وكاين....
ربي يجيب الخير برك
هذا هو ديفو نتاع العرب عامة كي يولدو لازم يتحكمو في ولادهم لاخر العمر واذا خالفهم شي يوم في راي يقولو راه عاق