السلام عليكم ياختي ساهلة بزااااااااف هادي انا كنت جامعية وكنت نحب ماكلة الريستو تعرفي علاه؟؟؟؟؟؟ علا خاطر وصفات سهلة تغيرلك رايك انا كنت ندير ولائم غير بماكلة الريستو ههههه الاولة : لما يعطوك السباقيتي معاة الفيونداشي ديريلو الزعفران ونشفيه مليح فالمقلة باش ما تخسريش وقت وديري معاه الفيونداشي والتوابل اللي تحبي 2_ لما يمدولك دجاج وفرماج فتي الجاج قلي حبة بطاطا مقطعة دوائر وديري غراتان فالمقلة يعني حطي البطاطا وفوقها الجاج وصنعي صوص الفرماج ( اللي هي وصفتي السحرية هههههه برك شوية ما حطي عليه الفرماج وحركيه كي يذوب ديريله الزعتر ولا اي توابل عندك ) 3_ بالجاج تاني تقدري تخلطيه بالفرماج والثوم وعمري حبة طماطم وديريها في طاجين شوية زيت وغطي عليها وبلخف رح تطيب 4_ لما يمدولكم شوربة خليها برك فوق النار ورح تعقد وترجع بنينة 5_ لما يمدولكم بيض مغلي وكاشير قطعيهم وخلطيهم في زوج وذوقي البنة وتقدري تديريلهم خل وزيت ولا زيت زيتون ونقلك حاجة لما تكملي ان شاء رح تتوحشي هادو اليامات بزاااااااف , وعندي وصفة الكارانتيكا في المقلى شري باطة كرنتيكة وكل مرة ديري منها حطي في مقلى الماء + شوية زيت + ملح والحمص المطحون وخلطيهم وخليهم فوق الريزيستونس حتى تعقد مليح وتحمار من التحت كلي بالصحة والعافية