لقيمات من مطبخي

[دار الفل]

السلام عليكم، البارح و أنا حايرة واش ندير مع القهوة تاع العشية, جات في بالي هذه الحلوى، هذي مدة طويلة ما درتهاش،نخليكم مع الوصفة و الصور
المقادير:
2 كيسان ماء
نصف كاس زيت
2 + 1/4 كاس فرينة
1/4 ملعقة فانيلة
قرصة ملح
9 حبات بيض

التحضير:
حطي الماء على النار يغلي مع الزيت + الفانيلة + الملح



أضيفي الفرينة و حركي حتى تنطم و تصبح عجينة طرية



نحيها من النار و حطيها في الخلاط الكهربائي، اللي ما عندهاش الخلاط تستعمل ملعقة خشبية



كسري البيض واحدة تلوى الأخرى مع مواصلة التحريك اذا استعملتي يدك حتى تتحصلي على عجين كيما اللي فالصورة



سخني الزيت، بواسطة ملعقة ضعي كميات من العجين كما في الصورة





لما ياخذو لون ذهبي، قطريهم و عسليهم
هذا شكلهم النهائي



و هنا من داخل، راه يجي خفيف بزاف و الذوق أكثر من رائع



هذه المقادير تعطيك كمية لا بأس بها
نتمنى يعجيكم و تجربوه طبعا
سلام