اين الحل انا تائه يا اخواني

[* الحلم سكر *]

السلام عليكم
كانت زميلة صرالها كيما راك تحكي مي هي انتظرت و صبرت و هو كان ردو غير اصبري و يكون فس علمك خويا احيانا كلمة اصبري تترجم بعدم اهتمام يعني راميها عليها انتي اصبري و انا وقت ما نوجد نجي مع انو النوايا تترجم بالافعال

و سامحني راح نكون صريحة معاك واحدة تقول لواحد جايين يخطبوني تتوقع منو يدير عليها اي حاجة باه ما تروحش لغيرو ماشي يقلها
goutalha m3aliche zewaje maktoub et inchallahe rabi yehanik et s3ada dialak hiya s3ada diali 3afaset 3ala ghalbi ghire fi khatrha we tmanite liha koul khire
و الله واحد يقلها ماعليش الزواج مكتوب و ربي يهنيك هادي المفروض ما تشوفش فيه لاخر نهار في حياتها و المفروض تتزوج و تفرح و تنســــــــــــــــــــــــــاه
و اللي قلك تفسد عليها و تتزوجها انت نقلك عذرا اللي يحب حاجة يجري عليها قبل ما تضيع منه ماشي بعد ما خلاص راحت من يديه
ردي معاك كان صريح و حابتك تفهم اللي كاين اللي تتجرح و تبين روحها قوية و خاصة هي كانت شادة فيك و شكون يقول درك ماراهيش حاساتك انت لي غدرت

و مع هذا العتاب عليها في نقطة الكلام الزايد ما يليقش الفتاة بالذات مهما تخسر مالازمش تخسر قدرها و هي هكذا طاح قدرها ماشي قدرك
و حكاية صحبتها لي تجيبلك الاخبار تأكد أغلب المصايب من البنات الواسطة و الله اعلم اذا اللي جابتلك الاخبار صحيحة ام لا و الله اعلم اذا كاش ما قالتلها
يبقى احتمال

النتيجة ربي يعوض على كل واحد فيكم و اسفة على الاطالة و اذا في كلامي شيئ زعجك