خبز الدار كالعادة و العوايد

ام عبد الله 22 · 2014-09-17, 10:41

السلام عليكم
وصفة خبز الدار راهي ساهلة و متعييش جربوها وخاصة عيد الأضحى راهو قريب .
لكم الكيفية و الصور. بالصحة و الهناء.
500غ فرينة +500غ سميد لرطب +2 م ك خمرة الخبز ( خميرة فورية) +1 م ك سكر +م ك سانوج +م ص ملح+ 80 مل أو 9 م ك زيت + بيضة كاملة + بياض بيضة + ماء دافىء.
خلطي كل المكونات بدون عجن لازم العجينة تجي تلصق في اليدين.و خليها تخمر من بعد هبطي العجينة بيديك و خليها تخمر مرة ثانية.
في هذه الحالة نمزج مع العجينة م ك زبدة طرية. ونشكل خبيزات صغيرة وندهن الوجه بصفار البيض ونخليها تخمر مرة ثالثة.ثم ندخلها للفرن درجة حرارته 260° مدة الطهي 25 إلى 35 ديققة.

درت حبيبات لوليدي الصغير بالفرماج.

بالصحة راهو يجي مع الملفوف عيد مبارك للجميع و الأمة اإسلامية جمعاء