يا ليت ربي يرض عني

[مشكلتي]

السلام عليكم
يا اعضاء اريــد ان أشكو حالي الى الله اريد أعترف امام الكل اني بحاجة الى رضا الرحمن و انا من عصيت و عصيت و عصيت

بدايتي فتاة لا تنام كل ليلة الا و حاسبت نفسها على ما يحدث في اليوم
كان ربي سبحانه راض عليا ما تتخيلوش كنت اذا تظلمت نقول حسبي الله و ننسى و اقسم بالله في وقت قصير ينصرني ربي سبحانه و ايما نصر
كانت عندي نعمة الرضا في اي حاجة تصرالي و حتى كل ابتلاء كان يعطيني ربي سبحانه اللي يوقف معايا و اللي يصبرني
كان دعائي مستجاب ما تتخيلوش لدرجة مرة استخرت على شيئ و ادعيت ربي سبحانه يبانلي عن طريق شخص اخر و جات صديقة لا علاقة و لا دراية لها بالموضوع و حكاتلي منامة منعت بيها من شر عظيم
كنت مرة ماشية مع اختي قلتلها ام فجاة شتهيت سـندويتش اقل من 3 دقائق طلنا سيارة زوجها لقيناه شاري سندويتش و حتى هي قاتلي سبحان الله

اعطاني ربي سبحانه المال و الجمال و الدراسة اللي حبيتها و العمل اللي تمنيته
و رزقني حب الناس لــيا
و اقسم بالله حتى الابتلاءات اللي مريت بيها سخرلي ربي سبحانه ناس وقفت معايا بطريقة حيرت الكل

الى هنا المفروض وحدة مثلي تقول الحمد الله ليل و نهار

انا عصيت و عصيت و كل ما نتوب نتراجع الف خطوة صرت قاسية القلب و و و و

يا ناس ما حابة والو الا علاقتي مع ربي سبحانه و احساسي انو ربي سبحانه راض عني
انا و احتقرت روحي ..... مع علمي انو باب التوبة مفتوح و حاشاه ربي سبحانه يعجز عن العفو و الغفران لكن انا نعصي و نتوب و نتوب و كل ما نفرح نلقى روحي 00000

اعطيوني افكار تقربني من ربي سبحانه .. الصلاة الاذكار ايضا ؟؟
انا حتى الصدقة و قليل وين نطيح في ناس فعلا محتاجين بل يكادو منعدمين بالاك و خايفة ربي سبحانه يكون غاضب عليا و ما يسرليش ناس محتاجة ندي اجر عن طريقها

اعطيــوني افكار و ادعيــولي ربي سبحانه يغفرلي و يرضى عني

و الله ثم و الله لا راحة في البعد عن الله و لو تملك الدنيا و ما فيها و الله خجولة منك يا الله و الله يا رب لا اتمنى الا رضاك

يا اخوة ادعيولي و قوليلي افكار...