هل هو امر عادي ان تقتني المراة سيارة ؟

[wassila134]

المشاركة الأصلية كتبت بواسطة *** ترانيم الوفاء***

السلام عليكم ورحمة الله

في نظري سياقة السيارة كاين حرفة تتعلمها المرأة شرط ان يكون القصد من ورائها واضح

تخيلوا معي وضع عاجل في البيت الام مثلا مريضة ،،،، ولا رجل في البيت

و3 سيارات في المستودع من سيهرع لانقاذ امي لا أحد اتصلوا بهم كلهم بعيدين

هل علينا الانتظار هو امر طارئ

لذا على المرأة ان تتعلم السياقة ولا تسوق الا للضرورة نصيحة ابي لي (طور التعلم)

يااختي لوكان تدي البيرمي وتخليه للضرورة راح تنساي السوقة وهذا عن تجربة شخصية
وعن اقتناء السيارة وهذا في نظري على حساب المجتمع اللي راكي عايشة فيه
بالنسبة لي. مانقدرش نقعد بلا سيارة كل يوم انوصل أولادي للقراية صباح وعشية
وباش نقضي لازم سيارة لانو نسكنو بعيد من لحوانت وراجلي أغلب الوقت مايكونش هنا يعني
المسؤولية كامل اعليا
وشحال من مرة تتحتم اعليا انسوق مام انكون مع راجلي مرات نسافرو للبلاد ونحكمو طريق بعيدة
كي يغلب راجلي نسوق في بلاصتو اصراتلو شحال من خطرة يرقد وهو ايسوق في الحقيقة مام انسافرو
للبعيد مايبغيش يعطيني انسوق إلا إذا كان غلبان بزاف
مي كي الروح للبلاد مانسوقش راجلي اللي ايسوق عندنا المرأة ماتسوقش حتى انا مانقدرش انسوق اتربينا هاكا
انا اصلي من الدوار وماتشوفش أمرا تسوق في الدوار