بين الحمو الموت وازمة السكن؟؟

[salem1985]

هو الصح كامل في التربية علبالي بالضيق بصح بعض النساء سامحهم الله تستهزء بزاف بالحجاب انتاعها وتلبس لباس زينة في وجود اخوان الزوج وزيد تهدر وتتمسخر معاهم والله كل عائلة والعادات انتاعها وتقاليدها انا شخصيا ابي حازم في اللباس الى ابعد الحدود عمري لا شفت حتى شعر امي ولا اختى في الدار الحجاب وكي نكون نتفرج في النشرة وتكون الي تقدم موش دايرىة الحجاب ويدخل بويا انا نخرج واصلا هو ما يتبعش التلفاز خلاص بصح عندي زوجات اخواني كل وحدة ودارها وما نقدرش ندخل واخي غير موجود واصلا في وسط الدار حجاب واصلا الدسارة والتمسخير ماكانش بويا اختى لبست حجاب قصير شويالسروال طويل عليه قوم القيامة وقال لينا موش انا حي ونربي في القور والله انا في حياتي ولا شفيت لبست سروال قصير ولا ثوب قصير ولا بلا يدين وابناء اخواني 6..5.7. سنوات ما تقدرش تدخل للدار بلا خمار يقولوا موش كل واحد يقدر يتزوج لازم توقف وتربي راك مسؤول يوم القيامة لازم الانسان يكون عندو ضمير كي يتهلا فيك والديك ويربوك تقدر تقاوم هدا الفساد الي راه في المجتمع انا حقيقة راني شاب وتعرفي كي نكون معى صحابي يتمسخرو وتعرفي كاين الي يحسر الهدرة ولا حاجة انا كي نحط راسي على الوسادة نبكي كي نتفكر وصية بويا ونقول راني خدعتو وخنت الثقة انتاعوا لانو رغم كبرسنو 72سنة وين نتلاقو في الدار انا وخوتي يجمعنا امام امي ويشهدها يقول ليها راني علمتكم الصلاة قريتكم وريتكم الحلال والحرام ......كاين النار وكاين الجنة راني يوم القيامة ما ننفعكم وما تنفعوني وما تلومونيش كي نخرج نعود نبكي الماكلة مانقدرش ناكل الان راني بعيد على الدار 2000 كلم كي نحب نغلط توقف صورة بويا قدامي ونتفكر النصيحة نتاعو نرجع والله الصح كامل في التربية ولو كان كل واحد ربى ولادوا كاين رانا عايشين موش هذا العري والكلام الفاحش والفسق الي راه في المجتمع 10سنين يتكيف يشم يشرب انا 30سنة ما عرفت حاجة اسمها الدخان ولا الشمة ولا الشراب ربي يهدينا