الحمد الله على كل شيء على نعمه التي لا تعد ولا تحصى على اكبر نعمة و هي الاسلام رنا برك ننساو ونغفلو ربي يغفرلنا ..
اناما تمنيته و ما اتمناه هو الثبات على الدين واتباع صراط المستقيم وان تقبض روحي على حسن خاتمة و عل الشهادتين و انال رضى الله عز وجل ..
الانسان بطبعه طماع و حتى وان وصل يطلب ديما المزيد ...
في الحياة ديما كاين نقائص مكانش الي عنده كل شيء .. و كي نشوفو نقائص غيرنا نتفكرو النعم الي رنا عايشين فيها
انا كي نشوف واحد مريض نحمد ربي على نعمة الصحة ..
كي نشوف كاش بلاد في حرب نحمد ربي على السلام الي رنا فيه رغم النقائص الي نعيشوها ..
كي نشوف واحدة مازال متزوجتش ولا عايشة في غبينة مع زوجها نحمد ربي على نعمة الزواج و الزوج الصالح الي رزقني بيه ربي ....
كي نشوف يتيم نحمد ربي الي حفظلي والدي وعشت في جو اسري .... وغيرهي و غيرها
الحاجة الي تمنيتها وناقصة في حياتي حاليا و ندعي ربي يعطيهالي لكن راني راضية بمكتوبي ونحمده و نشكره في حالة ما ادا مرزقنيش بيها و هي ان نحقق حلم الامومة و يرزقني درية صالحة طيبة ...
المهم ان الواحد يشد في ربي سبحانه عز وجل ويطلب الصلاح الهناء.راحة الضمير وسلامة القلب والصبر على البلاء
( تقرير عن مشاركة سيئة )، و الموجودة أسفل كل مشاركة .
2014-08-17, 10:23
العرض الشجري