~|[ « النظر هو الحياة.... كل ما يتعلق بالعين,النظارات, العدسات اللاصقة, الزجاج ستجد له اجابة هنا ان شاء الله» ]|~

[سطايفية بكل فخر]

وعليكم السلام واهلا مجددا غاليتي
+
مليح انو يلبس نظارات اصلين لانو عينيه حساسين هكا يضمن بلي مش رايحي يزيد ياذيهم
+°
شوفي اختي عندي اقتراحين لزوجك
الاول
كاين نوع جديد من النظارات الشمسية فيهوم ابسيون جديدة
اسمهم polarisé
هذو النظارات يحميو العين من الاشعة فوق البنفسجية وايضا يوضحو الروية
خاصة لما يكون الانسان في الضوء العالي او لما يكون يسوق
شوفي الصورة هذي باش تفهميني

وهو فيهم الفليكسيبل ولبليابللكن صراحة مشفتهمش في ولايتي بلاك في ولايتك كاينين
[IMG]https://www.maxitendance.com/wp-*******/uploads/2012/06/Lunettes-Soleil-RayBan-Folding-Aviator-3.jpg[/IMG]

اذا حب يشريهم قوليل نقلك كيفاش يعرفهم بلي بولاريزي او لا لانو بعض العباد يهديهم ربي يبيعو نظارات شمسية نورمال ويقولولك راهي بولاريزي
+
اما الحل الثاني انو يدير نظارات طبية عادية مع نوع زجاج اسمو transistions
هذا النوع من الزجاج فيه ديزوبسيون بزاف
اولا انكاسابل يعني يطيح ميتكسرش
ثانيا فيه تراتمون اونتيروفلي يعني يريح العين من الميكرو وحتى لما يكون الانسان يسوق
ثالثا فيه تراتمون فوتوكروميك
يعني لما يكون الانسان برا في الشمس ترجع الزجاجة فيمي ولما يرجع الانسان للدار تبدا يرجع لونها فاتح يعني راهي كاتر سيزون كيما نسميوها بالعامية
وهذي الزجاجة تحمي العين من الاشعة الشمسية خاصة فوق البنفسجية
شوفي اختي معايا الصور باش تفهمي كيفاش يتبدل لونها لما تكون في الشمس ولما تكون في السيارة ولما تكون في الدار



هنا اذا حب يديرهم يروح عند لوبتيسيان ويخير الكادر المناسب لوجهو ويقولو ديرلي زجاج ترونزيسيون
لكن اذا حاس روحو ناقص شوية في الشوفة يروح للطبيب قبل
+
ليمونتير فليكسيبل كاينين ومتوفرين غاليتي باشكال مختلفة
+
بما انو وجهو كاري اختي يقدر يخرج عليه ليفرم لكبار
ةيما هذي
[IMG]https://www.commeuncamion.com/wp-*******/thumbnails/uploads/2014/05/lunette-visage-monture.jpg-tt-width-590-height-393-fill-1-crop-1-bgcolor-FFFFFF.jpg[/IMG]
ولا كادر اوفال وحتى الكادر الكاري
كيما هذي

عتندو ليشوا يخير بعقلو برك

اي سوال اخر راني تحت الخدمة
ان شاء الله يلقا واش يحوس