ممكن نصيحة ساجن

[*Mahmoud*]

المشاركة الأصلية كتبت بواسطة wiem4

ايه صح يا خويا سمعت كلام الناس برك ماعنديش فكرة اخرى اليوم خممت مليح مليح و قلت نقرا و نعاود الباك ادا جبتو ندير حاجة اللي حبتها و ادا ماجبتوش نكمل نقرا و تاني ادا قدرتلها نكمل و ادا جأتني واعرة ندورها باراميديكال و خلاص
شكرا اخي على النصيحة اظن انك ايضأ. ستدرس الهندسة واش رايك انت اللي خيرتها و لا بعتوك من عندهم ؟؟
وعليكم السلام و رحمة الله تعالى و بركاته

صحيح تفكيرك لأنو هذا هو الحل المنطقي اللي تضمني فيه على الأقل حاجة ومتندميش عليه وإن شاء الله يكون كل شيئ تمام

أنا صراحة حلمي كان الطب وكنت باغيه بزاف لكن لما جبت 14.13 ضاع الأمل فيه ثم شفت باقي التخصصات وظهرتلي الهندسة المعمارية خير لأنو عندي ميولات ليها ودرتها الإختيار 5 بعد التخصصات الطبية والمدرسة العليا للأدب العربي أيا وجهوني ليها فحتى المدارس العليا الخاصة بالتعليم الثانوي كان معدلها مرتفع ...أنا سقسيت عليها وبحثت هي صح قالولي صعيبة وتتعب فيها لكن إذا كنت تحبها وعندك ميول ليها تنجح فيها ومتحس بالتعب بل يجيك كل شيئ متعة و كاين لي كانوا مثل حالتنا لكن لما دخلولها عجبتهم وكملوا فيها ...أنا قررت أيضا بلّي نقراها إذا شفت روحي مليح في الفصل الأول نكمل فيها وإذا كان العكس نعاود الباك حر من أجل الطب ..وبالتوفيق لك أختي إن شاء الله .