اجتــزتُ المقابلة الشفوية ببوزريعــة و تمّ قبُـولي ..آلحمدُلله

[Amany Queen]

سـلآم ،
صح فطــوركمْ


حبّيت آنحيلكم شوية ستراس برك بويسك راني جزت عليها و تهنيت الحمدلله

* جوزت اليوم الكونكور تاع لونغلي و الحمدلله كان في القمة

1- قمنا بإجراء الاختبار الكتابي حول سبب اختيارنا لهذة الشعبة دون غيرها
2- أجرينا الاحتبار الشفوي ، قاموا بطرح عدة اسئلة معظمها استفزازية باش يخلطوا الواحد

شخصياً : عبّرت تخي تخي بيآن فآلكتابي
فاآلشفوي كي دخلت لقيت 3 اساتذة راجل مزيّر وجهو و 2 نسا يضحكوا ، اللي زاد خوفني هو انه هاداك الاستاذ هو اللي بوزالي لي كاستيـون
- قالي ( كل الحديث كان بالانجيليزية ) : وآش آسمك يا ........... و مدلي اسمي و لقبي ؟؟( هو بلعاني يشوف فيا ادا متبهة معاه و نقولو راك علابالك) اومبعد قالي راني نتمسخر معاك برك
- اومبعد قالي منين انت ؟ و جاوبتو
- قالي عاوديلنا علاش حابة اديري اونغلي ؟
- في رآيك واش هوما المواصفات تاع الطالب في هذه لمدرسة ؟
- واش تقدري اديري باش تنجحي في هادو الـ 4 سنين ؟
- تحبي لونغلي ولا تحبي التعليم اكتر ؟؟( هنا فقتلوا قتلوا نحبهم في زوج مي التعليم راه مسؤولية و من أنبل المهن )
- واش هي وظيفتك كأستاذة ؟ ( قتلو المهمة تاعو اللولة تربية الاجيال اصلا الوزارة سموها وزارة التربية و التعليم يعني التربية قبل التعليم ))
- قالي قنعيني باللي رح تكملي اجتهادك كيما راكي دك طول هادو الـ 4 سنين يعني مديلي واش رح اديري باش تنجحي ؟
* المهم خرجت على خير و درت اللي عليا ، كي جيت خارجة قالي ربي معاك و مبروك عليك فررررررررحتتتت
* ايه صح ما ننساش خير هادو الـ 2 نسا بويسك نحاولي شوية الستراس ، قصروا معايا و ضحكولي في وجهي

اومبعد شوية مدولي ورقة القبول بتقدير : جيدBien في كلا من : الاجابة عن الاسئلة و طريقة الكلام يعني اللاكسون ، و جيد جدا Trés bien في الكتابي