العُضوة المتفوِّقة [ وِصالْ تبّاني ] ضيفة تحتَ المجهَر~

[~ حراير ~]

بسم الله و الصلاة و السلام على رسول الله
ماشاء الله لا قوة الا بالله
تبارك الرحمن

كلشي مبروك بنيتي
مبروك النجاح و مبروك التميز
فرحت بزاف كي عرفتك حافظة لكتاب الله
هك تكوني مشرفة والديك صح و تكوني ملبستهم تاج القران الي ما يشوفوهش غير و هما في الجنة ان شاء الله و احنا معاهم في جيرة الحبيب عليه الصلاة و السلام
اولا امانة ليك بلغي سلامي لوالدتك الكريمة و قوليلها كلشي مبروك

,,,,,,,,,,,,,,,,,,,,
و ثانيا بنيتي عندي اسئلة بزاف نتمنى تجاوبيني عليهم لانه راحىنعتبروك قدوة لابنائنا باش يحذو حذوك و يمشو على طريق النجاح و التميز الي مشيتي عليه

لكن نستسمحكم في اني نتكلم بالدارجة باش نكون على راحتي
رغم اني دخلت قبيلة لبعض مواضيعك المميزة و الهادفة و لقيتك تتكلمي فقط بالفصحى

,,,,,,,,,,,,,,,,,,

اولا انا بنتي نجحت في شهادة الابتدائي و العام الجاي ان شاء الله سنة اولى متوسط
فبماذا تنصحيها??
ماهي في رايك المواد الي يتعثر فيها تلاميذ الاولى متوسط?? لنتفادى ذلك

اذا كانت والدتك تساعدك في المراجعة في الابتدائي, فهل استمرت في مساعتك في المتوسط?? و ماهي المواد التي تحتاج للمساعدة??

,,,,,,,,,,,,,,
طبعا في منتدى المتوسط التلاميذ يعتمدون على انفسهم في تصفح المواضيع, فبماذا تنصحيها لتصفح المنتدى بسهولة
( بكل صراحة انا لحد الان لم افهم طريقة سير منتدى المتوسط)

قريت موضوعك في منتدى الثانوي (نضن عنوانه من هنا تكون الانطلاقة) و في الحقيقة انه اريج بنتي بداات ايضا تحضر في نفسها لكن مع مادة الانجليزية فقط بما انها مادة جديدة عليها
فممكن ترجعي بالذاكرة تاعك و تقولينا كيفاش حضرتي نفسك انت???



,,,,,,,,,,
يا وصال اعطينا اجوبة مفصلة مش مختصر
ربي يحفظك بنيتي بما يحفظ به عباده الصالحين الطاهرين و ربي ينفع بيك امة محمد صلى الله عليه و سلم و ربي يبارك فيك و في علمك و في صحتك و يجعلك قرة عين لوالديك و يرزقهم برك اللهم امين

بالمناسبة بنيتي ممكن توصفيلي فرحة والدتك بنجاحك و بتفوقك??
,,,,,,,,,,,,,,,,,,,
شكرا جزيلا بنيتي
و صح فطورك