لمن يعاارض غلاء المهور,,,,

[راية الاسلام1]

السلاام عليكم ورحمة الله وبركااته
نظرا للصرااع القائم بين الجنسين في منتدى المجتمع حول ارتفااع المهر
قررت كتاابة هذا الموضووع للحد من مثل هذه المواضيع
يعني كل يوم واحد يكتب موضوع حول هذا الشان
كل شااب عليه ان يسال نفسه: مامصير المهر بعد تقديمه للزوجة؟؟
يعني اكيد اي فتاة مقبلة على الزواج لاازم تدي معااها حاجة اسمها الشورة ماعلاباليش كيفاش تسميوها انتم
فهل حقا المراة هي السبب في غلااء المهور؟؟
أستبعد الجواب بالايجاب وساترك الجواب في نهااية هذا الموضووع
المهم كلنا نعرف الغلاء الذي اجتااح اسواقنا اليوم والذي عجزنا عن تحديد اسبابه
المهم اذا افترضنا انو الرجل قدم لزوجته مهرا يساوي 15 مليون
المرأة لاازم تشري الصوف وقيمتها تقريبا 3 مليون أما اذا كانت مغسولة فسيتضااعف سعرها ويمكن ان يصل الى 6 ملايين
حنا هكا في تقاليدنا لازم المراة تدي لمطاارح ضف الى ذلك مصاريف تغطيتها
المهم نخصم 5 مليايين من المهر
لازم العروس تشري ملاابس يعني اي زوج يحب يرى زوجته في احسن طلة لا ادخل في التفاصيل ( حجابات ملابس البيت قنادر والقندوورة اليوم تسقام 3000 دج على الاقل وتكون بسيطة ملابس الحمام ,,,,)
يعني نخصم على القل 4 ملايين أخرى من المهر يصبح 6 ملايين
العروس لازم تشتري فراش غرفة النوم مع الستار ومع الزرابي اذا كانوا كاامل simple على الاقل تجيها 5 ملاين
فراش السرير اللي يصلح فيهم من 2 ملاين فما فوق والزرابي تمسهم في الاسواق تشعل فيك النار والستار ربي يستر
تبقى مليون واحد والعروس ماشراات لابرفانات ولا ماكيااج ولا ,,,, القائمة طويلة وعريضة
والذهب يا الهي يعقل ان عروسا تتزوج بدون ذهب
هنا ياتي دور الاب المسكين
انا عن اختي ابي اضاف لها ضعف المهر
ملااحظة انا لم اتحدث عن الملابس التقليدية عندنا في قسنطينة قدندوورة تاع القطيفة تديلك 10 ملاين كي والو المهم انا شخصيا ضد هذه التقاليد
الان وقد رايتم اخوتي المراة الجزائرية ليست طمااعة او مغروورة انما هي لا حول لها ولا قوة يعني حاابة تعمر دارها وهذا من حقها
السبب وراء غلاء المهور ليست المراة السبب الحقيقي هو الجزائر نعم الدولة
لانها تخليك توصل 40 سنة وانت تخمم غير كيفاه تتزوج
ماتخليكش تتهنى باش ماتخممش في السياسة يعني باش تخليهم يسرقو بسلاام
هي قادرة تعطي لعامل النظافة 7 ملاين لكنها لاتفعل
عذراا على الاطاالة اخوتي
باارك الله فيكم
وصحاا فطوووركم
ومن فضلكم حبسونا مثل هذه المواضيع في المنتدى
واللي حاب يدي فتاة غربية ما يقولش انو العيب في المراة الجزائرية