أنت تسال والقانون يجيب

[nabil ofc]

المشاركة الأصلية كتبت بواسطة ورود ياسمين

سلام أخي نبيل جمعة مباركة لرحت لمحامي جبد ملف القضية كلها مالقاش وثائق الأرض قالي أكيد رجعتهم في 86 للورثة قالي أصبري ماديريريش قضية خليه هو يرفعها ضدكم وشاف فريضة جدي قالي لازم يكون اسمكم مع ورثة جداتك قالي اارفعي دعوة باه كم ينزلوكم مكان بابا

الله يسلمك ايه عندو الحق خليهم يرفعو هم الدعوى حتى تجتنبي مصاريف التباليغ لكن لازم تعرفي كفاش دخلي طلباتك مع طلباتهم
اسمكم يكون في ورثة جدك هو لي خلى التركة لماذا ادخل جدتك ؟
الفريضة تع جدكم من المفروض فيها اسم باباكم؟
في عوض ترفعي قضية من اجل التنزيل الفريضة تكفي وحتى من جانب المالي نتعكم متقدروش ترفعوها كيف كيف لازم تبلغوهم كامل فالحكم ان شاء الله اديرولكم تنزيل هي اكيد راح يعينو خبير ولكان تكون المدعي توصلك الخبرة بالاك حتى من 7 الى 14 مليون وكي يرفعوها هوما وتكون فيها خبرة يخلصوها هوما
نمدلك راي وزيدي سقسي
خليهم يرفعو دعوى من اجل ميراث ابيك انت فالحيثيات قولي بلي ميراث ابي باستثناء المنزل( الذي هو همهم ) وحكي بلي كان فيه دين والبنت هي لي تكفلت بمعضم مصاريفه فكيف انا لم اتحصل عليه من قبل المدعين فكيف يطالبون بحق اخيهم وهم مانعون منه يعني انت حق بابك مديتهش وهوما راهم يطالبو فيه والمتمثل في اراضي فلاحية واشجار و و ... واكبر دليل انهم حتى لم ينزلونا في فريضة الجد وانما ابقو عليها كما هي ولم يذكر حتى اسمنا وابقي على الوالد المتوفي وحرمنا من نصيبنا الذين هم الان يطالبوننا به وهذا ايضا يدل على اننا محرمون من محصولها طيلة اعوام من يوم توفي الوالد + ديري محضر معاينة تع المحصول دعمي قضيتك بيه تولي عندك فريضة + محضر معاينة تع جني المحصول بلي ميمدولكمش حقكم
هذا بعض ما تقولينه يعني مديتلك فكرة على واش راني حاب نوصلك وان شاء الله تخدمي عريضة مليحة
اذا شفتي بعض الغموض او راي قوليلي