من مصر إلى الجزائر.. كيف الحال ؟

[مصريه جدا]

واضح جدا ان كاتب المقال مصرى

كل دا هجوم على حسن شحاته

دى تعتبر اول هزيمه للمنتخب المصرى بعد امم افريقيا

ومن فتره طويله المنتخب المصرى بفضل الله
معملشى ولاهزيمه

وفعلا كانوا الاعبين تعبانين جدا وشكلهم تايهين

وبحق لعبوا النيجر احسن مننا بكثير

وبجد استحقوا الفوز عن جدارة

فى الاول اول 10 دقايق كانوا مرعوبين ممكن لان منتخب مصر بطل افريقيا

لكن بعد مرور ال10 دقايق الاولى

تحولوا تماما وكانوا هما المسيطرين تماما على الملعب
ومقفلين خطوطهم كويس جدا

دفاع وهجوم كانوا رائعين

بس بالرغم من هزيمة المنتخب المصرى الا ان ده مش هيقلل من قيمة المنتخب ولا قيمة حسن شحاته

وازاى كاتب المقال ده يقول مدرب بيبحث عن الوجوه الجديده

ايه العيب فى كدا يعنى محمد ناجى جدو كان اول ظهور له فى امم افريقيا
وكان نجم المباريات وصاحب البطوله السابعه لمنتخبنا

عمرو ذكى فى 2008 كان كمان لاعب مغمور وكان بديل لميدو ومع ذلك كان بديل كويس جدا


احمد على صاحب هدفين فى الكونغو

يعنى هوا مش اخطأ لما اختار لاعبين جداد

هوا اخطأ صحيح فى الاختيار والاحلال


لكن سيظل حسن شحاته المعلم وملوش حق صاحب المقال يهاجمه بالشكل ده


دا من ناحية المنتخب المصرى


اما بخصوص المنتخب الجزائر

بصراحه انا مشفتش المباراه عشان كدا مش هقدر اعلق عليها




شكرا على نقل المقال

جزاك الله خيرا