نابغة ، ههههههه

[rblrbl]

السلام عليكم

يا جماعة كاين وحد الكلمة راهي تقلقني بزاف ،، راكم عارفين شتاهي : نابغة
نتوما ما تقلقكومش ؟؟؟

راكم عارفين شكون يسموهم نوابغ ؟ هههههه الي يجيبو الباك ب 16 و 18 و 17
هاذو تقرا الجرنان تسمعهم يقولو نوابغ : نوابغ .. عباقرة .. اذكياء

يسما على حسابهم اللي يجيب الباك قل من 16 حابس ؟؟

نعطيلكم مثال
اللي جاب الباك اللول قالهم انا عبقري في الاعلام الالي ،، ماكاش اللي يديهالي قع ،، قالهم انا نعرف نديكودي لي شان كريبتي (les chaines cryptees) هههه قالهم وحد المرة canal+ و خرجتلها الكود ههههههههه فهمتو ؟؟؟ و لا اللي يجيب لي كود و يدخلهوم في الديمو نابغة ؟؟ اوووووووووووووووه بهدلتونا ياو les francais w les allemands و يخرجوش لي كود لا علينا ماعليناش

كاين واحد جاب الباك ب 16 و في عمرو 13 سنة ،، شتا سماوه ؟؟؟ ههههه : نابغة ، عبقري ...
وقالوها و ما حشمو ما والو ؟؟ هاذا اللي جاب الباك 13 سنة دخل في عمرو عام ؟؟؟ كان يروح يحبي ل ليكول ؟؟؟
لالا ، راكم عارفين لياه ،، باسكو جداه مديرة تاع ليكول ،، دخل بكري و تخطى لعوام ،، حقرة صح صح

المهم : علابالي شتا راكم تقولو ،، بلي راني غاير منهم و راني حاسدهم كي ما لحقتهمش
يا حصرااااااااه ، ماشي قع هكا ، انا عندي عامين ملي جبت الباك ، صح ما جبتش 16 بصح كي رحت للجامعة جبت خير ملي جابو 16 و 17 ،، و كاين لي جابو قل مني في الباك و في الجامعة جابو خير مني .

نقولكم وعلاه كتبت الميساج ،، شفت بلي كاين في النتدى ناس جابت باكها ب 16 و 17 ،،، بغيت نقولهم بلي ماديروش عليهم ،، تحسبو رواحكم صح نوابغ ،، تروحو للجامعة ،،، تدوها في رواحكم و تزيدو عليها ،، و مبعد تتشوكاو ،، هدا ماكان ،، مساع و انا نكتب باش نوصل ل هادي ..

المهم : اللي يدخل يرد عليا ،، علابالي مانيش وحدي نخمم هاك ،، ردو عليا برك

و السلام عليكم