هل هذا هو الاب ؟

[عابر . سبيل]

المشاركة الأصلية كتبت بواسطة طيبة القلب

السلام عليكم ورحمة الله تعالى وبركاته

تفاجات بزاااااااااااف بزاااااااااااف مانيش عارفة كامل كيفاش راح نبدهالكم

لا حول ولا قوة الا بالله العلي العظيم

تفاجأت بزااااااف من تصرف والد ولا يحق ان يلقب بالاب ابدا اه لو تعرفون

هدا اب عندو بنت في عمرها 17 عام

وتوفات امها كي كان عمرها 11عام امالا باباها عاود زواج ومرة الاب ماهيش كيما الام حنينة عادتا ماتكون قاسية ومع انو البنت صغيرة في السن عاشت كي شغل يتيمة ابوها يعمل واش تقولو مرتو التانية البنت من صغرها تخدم شي حوايج لي في عمرها 25 عام بلاك ماديرهمش كل شغل البيت عليها وهي في عمرها 11 عام برك قعدت البنت غير هي تقوم بشغل البيت وزيد يضربوها مرة الاب وحتى ابوها لحقت البنت 17 عام ماقدرتش تكمل قرايتها لانها ماقدرتش تقرا وشغل البيت في نفس الوقت بزااف حبسها باباها من قراية وقعدها في البيت ولوكان غير قعدت في البيت مرة ابوها قاتلو البنت كبرت ولازم تزوجها اه على المسكينة عاد في عمرها 17 عام تخيلو اب يروح يحوس على زوج باش يزوج بنتو لي يلقاه يقولو عندي بنية في عمرها 17 عام وحاب نزوجها ادا تديوها

وفي الاخير لقا راجل في عمروا 47 عام قد باباها قبل يتزج بيها لانو هو موش متزوج كان عندوا ضروف هو الآخر الاب قبل باش يزوج بنتو ليه وتفاهمو على كلشي وبلا ما حتى يسأل بنتو اذا هي راضية تتزوج بيه ولالا

فات داك النهار والبنت مسكينة متلهية غير بشغل الدار من داك غدوا راح ليها باباها وقاللها اليوم راهم جايين يخطبوك البنت تفاجأة ماقدرتش مامبا تحكي ولادافع على نفسها مين جاو يخطبوها البنت تصدمت بعد ماشافتو كبير في السن تخيلوا هو في عمروا 47 وهي عاد 17 عام فايتها ب30 سنة لاحول ولا قوة الا بالله

المهم البنت بعد ماشافتو كبير في السن حاولت دافع على نفسها وما حبتش تتزوج قالت لباباها مانتزوجش بشخص كبير في السن لهاد الدرجة باباها طاح فيها بالضرب قاللها انت ماعندك حتى حق باش ترفضي

في رأيكم هدا ليه حق باش يلقب بالأب ؟

هل هذا هو الأب؟

وعليك السلام ورحمة الله تعالى وبركاته ...

لا حول ولا قوة الا بالله العظيم ..

فتاة مسكينة حقا ...
لكن .. عليها ان تحاول طلب المساعدة من معارفها الاقرب اليها

خالها ..عمها ... أحد أقرابها ... المه تستعين بأحدهم ...

ورغم كل هذا ...فهو والدها ..ولن يستطيع احد ان يمحو هذا ..

بوركت اختي الكريمة ...