حوادث طريفة حدثت في الماضي القريب ....ضع ما تذكرته هنا هههه

[قلوب منسية]

المشاركة الأصلية كتبت بواسطة زهرة الجزائر 07

أولا

عجبتني حكاية فاميلي خولة و حسين و أمينة ،، هايلين صافي من صغرهم كريمينال

،،،،،
قبل 5 سنين ،، يعني في سنة 11
كنا و أنا و بنات الكارتي قلقانين ،، من السماطة
أيا جا واحد صغر منا بعامين ،،، و بقى يزقى علينا قلنا أيا ديقاجي لدياركم؟؟
و هداك الصغير نكرهوه في الدم ،، الصح هوا صغير مي لسانو ميطرة
أيا قلنالو أرواح نذير-إسمو- مبغاش المرة الاولى
قاتلو صاحبتي راح نمدلك حاجا حلوة و شابة بزاف كيفك ههه
أيا طمع ،،، جانا
دخلناه لدار صاحبتي هادي
و جبنا سطابيلو أحمر و واحد أزرق
و لونا وجهو قاع ،، مبعد طلقناه
راح يبكي ليماه ،، و حنا خرجنا نضحكو ،،
زعما قلنالو كون تقول ليماك نقوللوها
راك دايما تروح لعمي صالح و تدي منو الحلوى و تقولو راو كريدي ماركي في الكرني
مي هوا غدر فينا و قال ليماه
عيطتلنا ،، و كيما قتلكم حنا ضانينا راو مغديش يقولها
أيا رحنالها ،، قاتلنا أدخلو يا بناتي هه
دخلنا قاتلنا ،، نتوما ألي درتو لنذير هكدا؟؟ قلنالها لالا عمتي ،، قاتلنا و تكذبو تاني معليش درك تشوفو
حنا سمرنا في بلاصتنا ،، قلنا بلك راحت تجيب دبوس ولاكاش تويو ههه
أيا راحت جابت البورطابل و عيطت ليمات كل وحدة فينا و مبعد خلاتنا نخرجو بعد ما بهدلتنا و سمعتنا كلمتين

مي ولا وحدة عيطت عليها يماتها ههه

هادا مكان هههه

درك دورك جهاد زيد كا ش
حكاية ،،،، أعصر مخيخك



و يوم سعيدة إن شاء الله

هههههههه شكرا نادو ومازال باقي الخير

سمعي نحكيلك و نحكيلكم قاع هههههه

قالك السنة الاولى و لا تالتة ابتدائي كنت دونجي حتى وحدة ماتقعد معايا هانية قالك المعلم بدلني من حدا صحبتي كنا ثرثرات بزاااااف ايا حطني حدا وحداخرا ياك ملي نقعد حداها و انا نضرب فيها و نقولها:بعديني راني باغا صحبتي
فليوم زاوج جابت ماماها و قالت للمعلم بدل ديك شيطانة من حداها
ايا ريحني مع واحد الولد وياك ملي نقعدو و حنا نحكو نحكو و نحكو و من فوقها ندورو لورانا و نضحكو
ايا زاد بدلني و ريحت حدا وحداخر ايا قلت لهداك روح من جيها لخرا للطابلة انا مانتكرازاش مع الحيط ما بغاش دابزت انا وياه و ريح بسيف عليه تما
من بعد زاد بدلني وحطني حدا ولد وحداخر(تالت) ايا جات ماما للاستاذ قتله بدلها من حداه قاليها الله غالب مالقيت كنديرليها واش نحطها فالفوناتر
ليوم لبعده جاه بابا اهوووووووووووووووه قاله ماتهدر معايا ماوالو بدل بنتي من تم
ههههههههههه و قاع هوما يخافو من بابا الحمد لله
و تامني فنفس العام جيت انا الاولة حتى دار تخلعو قالو هاد الشيطانة جات لولا يا عجبا يا عجبا ههههههه
قاليهم بابا ههههه بنتي خارجة فيا قتله ماما لا فيا
قوتليهم ااااااااااا ككنت نهدر بزاف كل واحد يقول للاخر خارجة فيك ايا انا ماخارجة لا فيك لا فيها انا خارجة في روحي
سكتو قاع من بعد طرطقو من الضحك

و ليشوفني درك قاع مايامنش بلي انا كنت ديك البنت الشيطانة هاهاهاهاااااااا