السلام مجددا كي عادتي نتجول من منتدى لمنتدى و هاكم واش لقيت قصة هايلة على النية ان شاء الله تعجبكم هاهي:
خطرة النية و الحيلة كانو في زوج يمشو مع بعض و كي
طاح الليل عليهم و هوما في الطريق .الحيلة قالت للنية هيا نرقدو هنا في الطريق حتى يطلع النهار و نكملو طريقنا مالا النية قالتلها كيفاه نرقدو في الطريق و لوكان تجي سيارة و لا شاحنة ماشي يقتلونا
الحيلة قاتلها لالا ادا جات شاحنة و لا سيارة اكيد كي يشوفنا مولاها رايح يتوقف و لا ينصرف من جهة اخرى شوفو خدايم الحيلة كيفاه
مالا النية مسكينة صدقتها و قالتها ماعليش و رقدت في الطريق.
والشريرة نتاع الحيلة كي شافت النية مسكينة راهي راقدة و تنوم ناضت من الطريق و راحت رقدت بعيد على الطريق في حفرة .
و مبعد ياسيدي جات شاحنة كبيرة والنية كانت مازالها في الطريق راقدة و لا خبر مسكينة و شوف كيفاه السائق هاداك كي شاف النية في الطريق و تنبهلها تصرف عليها و راح من جهة وين راهي الحيلة راقدة و قتلها
وكانت هادي النهاية تاع الحيلة الشريرة
اذا
من الحكاية هادي نقدرو ناخدو عبرة بلي الانسان في الدنيا هادي كي يمشي بنيتو حاجة ماتقيسوش و كيما يقولو مول النية ادا قاع ماربحش يخرج سلامات
الانسان ادا مشا بالنية الصافية و القلب الصافي في كل الامور اكيد ربي معاه و ديما موفق باذن الله اما مول الحيلة اللي يستعمل الحيلة في كلش يجي اانهار وين يبان على حقيقتوا.
هادي هي والواحد ادا مانجحش مرة اولى وثنين و لكن ادا كان يمشي بالنية اكيد رايح ينجح و يوفقو ربي في كلشي.
ان شاء الله تكون عجبتكم و ربي يوفقكم
( تقرير عن مشاركة سيئة )، و الموجودة أسفل كل مشاركة .
2010-06-02, 21:23
قصص طريفة "النية"
العرض الشجري