تســــــــــــــــــــاؤلات.....
واش بيا .. واش اللي راه صايرلي ..واش هذا الشي اللي راه رايح يطيحني الأرض....وهذا الحزن اللي رايح يطروشني .. وأشباح تجري اعقابي ... مافهمت والوا !!!؟؟؟
آه تذكرت... آه ... آه ..
أكلام تذكرتوا واش اندير .... واش اندير وأنا ماني فاهم والوا... واش ؟؟؟
واش راني داير ...أعلاش ماعنديش الزهر في كلش ؟
في مستقبلي وحتى في حبي .. أعلاش ياربي وعلاش ؟؟!!
حـــــــــــبي آه.. فراقها بكاني ..وبعدها عليا حيرني .. اليأس أسكن في قلبي .. والخوف أقتلني..
مانيش حاب أنشوفها .. لالا .. لالا .. أنا مانيش أنا..
انا بريء .. أنا بريء .. أنا بريء
راني نتألم .. قولولي واش أندير .. قولولي واش أندير باش نسلك من هذا الشبح اللي راه يتبع فيا.
راني شاك بلي راني مسحور .. أوه .. مانظنش ..ولوكان صح ويناه اللي راه سحرني .. هيا ..ممكن .. راني شاك بصح !!!
غير قولولي واش أندير باش نسلك من هذا القيد .. صح قيد .. فعلا راني مقيد بحبال الأشعة الشمسية .. شمس الصيف .. نخاف منها بزاف ..لخطراكش هي اللي حرقتلي جسدي وفي يوم من الأيام كتبتلي ذكرى على جلدي الرهيف .. بصح هي اللي ساعدتني .. ساعدتني بعينيها .. ذوك العينين آه وشحال شابين .. وبخزرتها قدرت أترجعلي فصل الحب .. الفصل اللي نشوف فيه حقيقة نفسي .. ومن خزرت عينيها وليت نشوف فيها غير هي وكلي غير هي طفلة في هذه الدنيا ومكانش أنهار عقبتو معاها ومعقبش امليح .. كنا نسهرو حتى الفجر .. وهذا الشيء قاع بصح راني مازلت نتساءل .. نتساءل ..
( تقرير عن مشاركة سيئة )، و الموجودة أسفل كل مشاركة .
2010-04-13, 23:29
تساؤلات....
العرض الشجري