صارحني متى بكيت آخر مرة ولماذا ,,?

[نبض قلب أمي]

السلام عليكم آخر مرة بكيت فيها من 4 ايام زلقت ماما,طاحت وضربت رجلها وما عرفناش واش بيها اديناها للطبيب أنا وخاوتي,فالأول صح كنت نحس برعشة في يديا برك مي من بعد كي وصلنا لعند الطبيب وحكمتها حمى خفت عليها بزاف وجاني البكا مي ما بكيتش قدامها,كي جوزلها راديو صاب رجلها مفكوك دارلها البلاط(الجبس) ورجعناها للدار.
عند الفجر نويت نصلي عشر ركعات لربي سبحانه وتعالى حمدا وشكرا لله كي بديت نصلي تفكرت كيفاش صبتها على الأرض وكي ما نجمتش تتنفس وكي جبناها للدار بديت نبكي لأني شخصية قوية أمام كل الظروف مي ماما وpapou حياتي كامل صفروما تسواش قدام نظرة حزن من عيونهم ربي يحفظهم ويسترهم إن شاء الله.
وفي الأخيركلمة لخويا جزائريdz وأتمنى أن تكون فيها القليل من العزاء حتى أنا وليد خويا اعمى من عين واحدة ومازال ما يهدرما يمشي رغم أنوا في عمرو عام وخمس شهور مي كي تشوف مصائب الناس تهون عليك مصيبتك والحمد لله على ما أعطى وله الحمد على ما أخذ وإن شاء الله ربي يشافي اولادنا وأولاد المسلمين اللهم آمين,والسلام عليكم.
أختكم في الله إكرام