السلام عليكم
مرحبا بالاخت هالة
وعليكم السلام ...اهلا بيك
* انت كما اعرف استاذة التعليم المتوسط في اللغة العربية ...لماذا اخترت تدريس هذه المادة بالدات ؟؟
الحق مش انا اخترتها هي اختارتني ...تسمعي بلآخر الدواء الكي ...كي فقدت الامل في ايجاد عمل ...وجدت اعلان في الجريدة ...و امام تخصص لغة عربية مسموح لعلم النفس شاركت وربحت
+ما الاكلة التي تحبين طبخها ؟؟؟؟؟
سلطة الخضر ...اللي فيها الخضرة تفور تهبل ...نحب نطيبها في الصيف ...
هل تحبين كثرة الاصدقاء ؟؟؟؟
شوفي انا مصاحبة الجميع ...مبدئي في الحياة ..الكلمة و الابتسامة في وجه اخيك صدقة نطل نضحك و نهرج ...بصح صحاب صحاب لالا كاين 4 او 5 فيها بركة ...بصح نقولك صحابات تاع الصح يحسدوني الناس عليهم ...ربي يحفظهم
هل انت محظوظة ؟؟؟؟
هذا الكلمة كل مش موجودة في حياتي تقدري تقولي منحوسة هههههههههه 
ماهي نقطة ضعفط ؟؟؟؟
اظنها الطيبة والله اعلم
هل تحبين الانفراد ؟ و متى ؟
شوفي الناس كي تشوفني برا نهرج و نضحك يعتقدوني اني فرحانة في حياتي ...مش عارفين اني بكيت حتى شبعت ..حتى كرهت الدموع و طلقتها ...شخصيتي في المنتدى هي نفسها خارج المنزل ...لكني في المنزل غير ذلك ...هادية و اغلب الوقت وحدي ...حتى اهلي يشكوا من هذا ...و ذرك قاولولي راكي لاصقة في الميكروا ...
ما الشيئ الذي ترينه امانة عليك توصيلها في حياتك ؟
امانتي في حياتي هي عبادة الله ...و اريد توصيلها الى نفسي اولا لانها الاولى بمعرفة ذلك ...حتى اقول لها دائما انها خلقت من اجل ذلك و فقط ...و الباقي كلها امور زائلة
من بين شعوب العالم من تفضلين و لماذا ؟
اوروبا ...لانهم شعوب منظمة ... ليسوا مبرمجين كاليابان ...لكنهم يعيشون حياة منظمة ...
كيف ترين حال التدريس في الجزائر اليوم ؟ لو وضعت مكان بن بوزيد مادا تفعلين لتحسين ماهو سلبي في هذا المجال
لا اريد ان اكون مكان بن بوزيد ....و اشفق على الشخص الذي ياتي بعده لانه لم يترك شيء ممكن تصليحه خرب كل شيء...التدريس في الجزائر ليوم كارثة ...و ستلاحظين في المستقبل ...جيل درس صح لكنه فارغ داخليا لا علم و لا اخلاق ...يعني يهود كي اللي قرا كي اللي ما قراش كيف كيف
هل حدثت لك مشكلة مع احد التلاميد ؟
هي مشكلة وحدة ...قولي مشاكل ...مدة بسيطة خلاتني نفهم حاجة مهمة جدا ...اذا اردت ان تستمر في التعليم ...عليك بترك كرامتك و ككبريائك في المنزل ...و روح درس ...كذلك حاول تخفيف عمل حواسك...يعني تشوف دير روحك مشفتش ...تسمع دير روحك مسمعتش ...
قلت ان مهنة التدريس صعبة ....... هل ندمت لاختيارك هذه المهنة ؟
لالالالالالالا هي فترة يمر بها اي استاذ يريد العمل بجد ...لكن مع الوقت تفهمي الامور ...تتاقلمي مع الوضع ...
و لماذا نجد جل الاساتذة ينصحون غيرهم بالابتعاد عن التدريس ؟
لانها امانة ثقيلة اشفق على اللذين يحملونها ...فعلا مسؤولية كبيرة جدا
و اخر سؤال بعيدا عن جو الدراسة . ماهي النقطة السلبية في المنتدى بالنسبة لك ؟؟؟
سوء العلاقة بين المشرفين و الاعضاء ...كل واحد يشوف الآخر من زاوية ضيقة ...و تعلمي لماذا لانه لا يوجد حوار بيننا ...
الاعضاء يحسبوا المشرفين عسكر ...و المشرفين يشفوا الاعضاء اربع همليات لا غير ...حذف حظر تعديل نقل ...يعني ارقام
ارجو ان لااكون قد اثقلت عليك . جاوبي بلعقل برك ههههههههه لي عودة
بالعكس اسئلتك حلوة ...ننتظر عودتك ...
رحيل
( تقرير عن مشاركة سيئة )، و الموجودة أسفل كل مشاركة .
2010-03-28, 14:25
العرض الشجري