تدمع عيّني.._سعيد_......سلسلة Normal 2

س..ع..ي..د · 2010-03-21, 04:18

هذا الموضوع هدية لكامل الاعضاء ليبغوني وحتي ولميبغونيش لكامل المشرفين لظلموني وحتي لمزال ملحقونيش
هذا الموضوع راح تحسو بي سعيد ماشي س..ع..ي..د راح تحسو بي انسان فاتت عليه بزاااف محان في مكان كان يشعر فيه بي الامان...

تدمع عيني ماشي انا لخترتو عنوان..عيني وقلبي اتفقو باش يكتبو موضوع مملوء بي الاحزان...

تدمع عيني..
لانو حقها..وكنت حاب نسترها بصح ..
لازم تعرفو وشكون لطّيحها..باش نقدر نمسحها..

تدمع عيني

كي ندخل للمنتدى صباح ولاعشية..ليل ولا نهار..ونصيب مشرف جامي دخل واذا دخل راح يكون روطار يحظر عضو عامين وهو يكتب ويعبر عن الافكار..هذا كامل عارفينو ومنش نجبد في اسرار..باش ميحظرونيش ويقولو هذا ثرثار..وميديرولي حتي اعتبار..كما قبل صار..

تدمع عيني...
منين نشوف عضو كل ردودو احاديث وايات..
ينصح في هذا ويفتي لهذاك..ومبعد نشوفو بعضوية مسميها عضوية المنشار ..ميخلي لا صديق ولا عدو يبدا ياخذ في الثار ويخرج الاعضاء لمنهم يغار ويتغزل في لبنات الصغار..نقولو فيق لعمرك راك راجل..وقريب دّير دّار

تدمع عيني..

لما نسمح في لحبني وحكالي كل الاسرار
وفتحلي قلبو وشعل كل الانوار..ونروح لي بعاني وبدلني بي لي ما يسوى غير دينار.

تدمع عيني

لما نشوف موضوع اعضاء يتبادلو الافكار وفجأة ينقلب الحوار الي خصام و يقولو كلام لي ميتقالش بين الاحرار...

تدمع عيني..
كي نكتب موضوع في قسم الشكاوى والاستفسار..ويتعاملو مع موضوعي بكل احتقار..ويقلولي انت مجرد عضو نديرولك اي قرار..ويكون غير قابل للنقاش ولما يجتمعو يقولو راح نحظروه وخلي يولي يحلل كما لقبلو دار..نقلهم ماشي هكذا تتعاملو مع الرجال..

تدمع عيني..

كي نشوف موضوع وداع ..وعضو غالي من عايلتو هنا ضاع..في سبة تقييم او خصام من عضو خذاع..كل هدفو انو يقضي علي الابداع نقلو.افطن ومتحرمانش من الاعضاء لحبناهم والي راح نحوك من بيناتهم..

تدمع عيني

لما نشوف عضو يضحك علي عضو ضحكة استهزاء..وناسي بلي راه
يضحك علي روحو لانو الضحك من دون سبب من قلة الادب وديننا علمنا نحترمو من يحترمنا وحتي لميحترمناش...فمابلك بلي بلي يقدرنا ويرد علي موضوعنا او يقتبس ردنا..ومابلك اذا شكرنا فاحترامو اصبح واجبنا والاستهزاء ماشي من الخلاص نتاوعنا..

تدمع عيني..

ماشي صح..تعبير مجازى لاني مهما شفت ومهما نشوف راح نتحمل...وننسى..ونصبر..
هذا منتدى ضحت فيه بزااف وعشت فيه لاحظات لا تنسى..ومهما صارمراحش القلب عليه يقسى

هذا الموضوع كتبتو مباشرتا من دون تعديل او تفكير من دون تحليل او تفسير ..لاني اخرجت واش في القلب و ليس مجرد تعبير...
ولا احب ان اظلم ولا احب ان أظلّم
سامحوني اذا غلطت معامكم ..
لانو كامل عارفين بلي الفرح مجرد لحظات..
والاحزان مجرد وقفات...ولفراق ممكن راح يكون قريب وماشي شرط بعد سنوات...
يملا نطلب منكم تساعدونا كااامل باش نعيشو اجمل اللحظات..ك اخوة واخوات..
عائلة افتراضية افرادها متعاونين ويكتمو الاسرار وينساو الخصومات..واذا تفراقنا نتفارقو علي اجمل النغمات..ونخلو في عقولنا وقلوبنا اجمل الذكريات...

احبكم جميعا من دون استثناء..
حب انسان لي انسان حب عربي الي عربي وحب مسلم الي مسلم وحب جزائري الي ابن بلده..
يحترمه يقدره..يسامحه ..
يتقبل وجهة نظره ...الخ..هذا اذا كان معه
ويصافحه عندما يفارقه..
ويسأل عنه اذا فارقه ويفرح بعودته ..ويساعده ولا يغضبه..الخ..

س..ع..ي..د = سعيد..

اخيرا قل كلمة لمنتدى الجلفة والي جميع الاعضاء والمشرفين ولاتنسى
الكلمة الطيبة صدقة..