واش هذا الدلال في المنتدى ؟؟

[ناشدة السؤدد]

السلام عليكم و رحمة الله و بركاته

الظاهر كثر المراهقون في المنتدى مع احتراماتي للجميع

ــــــــــــــــ

و الله ترددت قبل أن أكتب هذا ، لأني لا أحب هذه المواضيع بكل صراحة

و لكن كي لا تبقى مكتومة في نفسي لن أصمت هذه المرة

في هاذو الليامات منين تلقى زوج ما تفاهموش في رأي معين

أو فكرة معينة

واحد فيهم يتغشش و يهز قراوزو

و يقول و الله ما ني مولي خليتهولكم ليكم

لاه وين رانا حنانلعبو غمايضة ؟

سبحان الله

إذا كان في المنتدى وين واحد ما يعرف الآخر يصرا هكذا في الصح كيفاه ؟

ما تكونوش ضعاف الشخصية

لأتفه نقطة تستسلمو

الناس راهي تكبر في العقل ما نوليوش ذراري صغار لازم تحاولو و تشريلو الحلوى و ما نعرف.

هذا يسوه دلال

إذا كان واحد فينا ما يحبش يتقاس ما كان لاه يشارك و يكسر راسو

و شيء آخر لي يكثر بزاف الهدرة و يكسر les limites

يوصل للمشاكل لا محالة.

المهم

بعد فترة تلقا هذا الانسان حاط موضوع العودة

يا أخي إذا حبيت تغادر غادر في هدوء

باه كي ترجع ما يقولوش ما عندوش الكلمة

نتمنى اللي راحوا يرجعو و اللي ما راحوش ما يديروهاش

تقبلوا رأيي

...

هاه بلا ما ننسى حاجة أخرى لا علاقة لها بالموضوع مازالها في قلبي

البنات اللي يكثرو المجاملات و المزاح و عبارات الضحك و جلب الانتباه بين الجنسين

المنتدى صار يتخذ منحى آخر للأسف

و الله الكل محاسب على يقول و أنا كيما نخاف على نفسي نخاف عليكم

الله يستركم ما كان لاه هذه الأشياء

ربي ما يحبهاش

يعني كل واحدة كي تجي تكتب حاجة تخمم ما وراءها

هل فائدة أم سيئات

لأنو مايبقى غير العمل تاع ابن آدم

أعلم أن الكثير سينتقد كلامي و أكثركم لم يعجبه

سلااااااام