°°الشخير°°

[س..ع..ي..د]

فكرتيني في مرة جبت صديق يبات معايا في منزل فارغ ومكانش علي بالي بلي يشخر بزااف وانا نومي خفيف وبسرعة نتقلق..
المهم كي طاح الليل وبدينا ننعسو قررنا نرقدو رقدت انا ورقد هو ومبعد نسمع في الشخير نتاعو نضت وشعلت الضوء خفت نحسبو راح يختنق فيقتو قتلو وجبيك قالي نورمال..ومبعد زاد شخر والله غير نحسبها حبستلو النفس خفت لكاش ميصرا فيه زدت فيقتو ومبعد بزاااف مرات حتي نكرهت شعلت التلفيزيو وزدت في الصوت حتي 4 نتاع الصباح باش رقدت لاني كنت تعبان ومبعد كي رقدت مليح جا واحد يطب طب في الباب بقوة معليا غير رحت فتحت وصبتو غالط لا علاقة 6.30 نتاع الصباح ويبحث علي واحد رحل منذ مدة طوويلة هههه
ومن ذاك اليوم وليت نبات وحدي مدة طويلة ... حتي رجعت العائلة الكريمة...واذا كنت راح نبات مع واحد لابد نسقسيه تشخر في الليل ولالا..!

وليعانو من الشخير ننصحهم يروحو لطبيب لانو عندو دواء..ومن ذاك هم يرتاحو ويريحو الغاشي معاهم....مام اهلك يوالفوه يجي النهار لتبات مع صحابك في اي مناسبة اذا كان رجل ام المراة يجي نهار تبات مع لافامي في كاش عرس ويبدا يمنشرو فيها وهي راقدة!!

المهم شكرا علي الموضوع ختي شيراز
كثرت الكتيبة لانها كما نقولو بي العامة ضايقة روحي ومجانيش النوم ماتشي بسبب الشخير هههه ومصبتش موضوع نقدر نحكي فيه براحة غير موضوعك..
راهي الساعة 4.20 دقيقة صباحا