اخر اخبار التنسنيس: ولد الرئيس...اقصد الملك القدافي....حاب يتزوج ببنت جزائرية من تلمسان!!...حصري

[ل..ب..ن..ى]

السلام عليكم ورحمة الله تعالى وبركاته

هدا السمانة شيء غريب حدث على المدينة تغير!!!!
ليس 100 بال100 غريب
توالفاه ولكنه يحب يقول حاجة:

ماتتقلقوش بشوية ونخبرلكم

الطريق تاع تلمسان ناضو يعدلو فيها
....طابي جديد في الطريق الكبيرة.....

علقوا العلامات في كامل المدينة
العلامات = الاعلام

ردو المدينة تشعل
غبرة ماكاش!!!
...تحشم تتمشى بصباطك _حداءك_ تخاف توسخ الارض!!!!....

والعسكر طالعين هابطين
يظلوا يدورو ويعسو!!!

قلت لصحبتي ...والله غير كاين حاجة
قاتلي وشكون راه جاي؟!!!

قعدنا نسنسوا ...
بوتفليقة؟!!!
لا موحال!!
لوكان دارو حالة بتصاوره
واشهارات للبلاد
وزيد يقولوها في الاخبار

بالاك واحد من الوزراء؟!!!
بصح واش راه جاي يدير
موحال وزير مايديرولوش كامل هكدا !!!

حتى ظهرت لافتة
فيها على اليمين العلم الجزائري
وعلى اليسار .........العلم الليبي ........

وبيناتهم : مرحبا بضيوفنا الكرام

!!!!!!!!!
مافهمناش وشكون اللي يديرولو كامل هكدا!!!!

واصلنا بحث التنسنيس
فاكتشفنا ان ولد السيد الرئيس او الملك ولا ماعلاباليش!
السيد القدافي ولده راه جاي ...!

ضركا زدنا حرنا اكثر !!!
واصلنا البحث
اكتشفنا ان هدا الاخير يبني
فندق بهضبة لالة ستي في تلمسان!!!!

.........واش كملت مساحة ليبيا
وبانتلو على جا لتلمسان!!

قلنا ايهيه تلمسان راهي فوووووور
ومحبوبة

قلتلها والو والله غير كاين حاجة وحدخرا
يا الله نزيدوا البحث

واكتشفنا واش كنا نبحث عنه
اكتفينا وارتوينا من اسئلتنا ...!

اكتشفنا انه ينوي الزواج بطفلة من تلمسان
ههههههههه

ويجي مرة على مرة
زعما يتفقد الفندق واخر تطوراته
ههههههه
وهنا الفاهم يفهم
لمادا اختيرت تلمسان
الارض الخصبة هههههه لبناء الفندق


بصح مازال عالقلي سؤال:
كيفاه ؟ من ليبيا لتلمسان..اقصى الغرب الجزائري!!!

مازال ماريبونديناش على هاد السؤال ....


اخر الاحصائيات:
**السيد الامير الليبي ..الملك مستقبلا ... مازاله في تلمسان
**يقال انه اليوم راح يصيد الحجل ...في احدى المدن هنا ......مابقاش طيور في ليبيا ...
**العسكر مازالهم مسركلين الطريق!!!
راهم حشيش على حافتي الطريق ....

والفيلم متواصل
يتبع الى احصائيات جديدة

سما هادي الخطبة
راح نتناسبو وليبيا

وينتا العرس ؟؟؟؟

ههههههه



ملاحظة: ..مافهمتش ؟؟
ليبيا مملكة ولا جمهورية ؟؟
ماتقولوليش جماهيرية
راسي يتبلوكا منين نسمع هاد الكلمة!!


بحث في القراية والو
في التنسنيس ندي 20 /20
ياريت كان عندنا مودول اسمو تنسنيس هههههههه


سلاااااااااااااااااام