طريق السلامة

[محمد لعمارة]

طريق السلامة
حذر بالك يا السايق لا تندم ........يوم الندم ماينـفع مـــال وجــاه
أنفس عزيــزة وبنادم عادم ........مايعلـم بالخافــية من غــير الله

الفتاية الناعمة غير اتيسـم .........والمتور بزفتو طايــــــع لهــواه
الي شايق راه فيها يتنعــم .........السيارة جميلة والسرعة وعلاه

إتفوت لعاطلة ولي تعـــزم ......... ويذا غفل اتيه عقلوا ما يلقـــاه
وإذا لعبت بيه فيها ما يحكم.........غرارة وتغـــــر إلي بيـــها تـــاه

إطريق السلامة لي خيرها سلم.......ولي حكم في عقلو بالو هنــــاه
بين أولادو دايما زاهي انعم ........وعلى الطاعة مربي أولادو كيفاه

نوصيك ياخويا الروضة ماترحم...... ولي دارت بيــه يتألـــم بــــداه
يبقى غير هنا ولهيه يتلطــم .........وإذا كان قبيح يششــفاو اعـداه

إذا ليك أولاد اسمعني وفهم ......... إذا تيتم البن وين يلقى ببـــــاه
راه الوقت مايحن وما يرحم .......أنا جبت القول وانت فهم معناه
محمد الخالي على السرعة نظم.......بو فارس ختار في هذا اتجاه
إذا عطاك الله وش كنت تحلم ........ إحمدو اليوم في الشدة تلقـاه
كلمات: محمد لعمارة