فراق الوالدة
ياربي ياخالقي باسمـــــك بــــديت سهلي ياخالقي واشفي لجــــــــراح
سيدي ربي كنت مكسي وتعــــريت والصــــــور لي كان مبني عني طاح
من فراقك ياوالدة مرضت وهسيـــت مانستحلى طيبـــــة كلش يقبــــــــاح
يامعتاه نهار مــــــــاذا فيــــه بكيت وصــدت الميمة وخلاتـني نـــــــواح
في ستة وتسعين صدت نور البيـــــت في ليلة الإثنين طفالـي ذا المصــباح
كنت مونس بيك نفعل واش شتيــــت عايش زهـــواني دايـم في الافـــــراح
ذرك بقيت وحيـــد إدهشت وعييت وصما طت عني الدنيــــا كلـــش راح
والله ماضنيــــــت بالأجــــل ودريت ودالي حنـــــناتي من عنـــــدي راح
اجميع اللي جا يعــــزي معاه بكيت وماذا من دمــوع على الخــد ساح
ياربي بجـــــاه الرســــول ادعيـــت اجعل الميمــــة في الجنـــــة ترتــــاح
اغفـــر يـــــاربي ناظـــم هذا البيت اسمــــــــاه الهادي يطلب في الفتــاح
اسمحلي ياوالــــــدة بــــلاك سهيت راه الصغـــــر يقر والدهـــــر طيــاح
انا طعــت الوالدة والله ماعصيــــت من حبي ليـــــها تدعي بالصــــــلاح
ارزقني ربي وعليـــــها سمــــــيت سميت على الصافية زين الوضـــاح
هذا امــــر الوالـــــدة وانـــــــا لبيت اسماها في الـــــــدار خلاني مرتاح
طيع الوالدين يا مــــن راك نسيــــت لازم عليـــة نكـــــون من النصــــاح
ياسامع ذا القــول ناليك ترجيـــــت ادعيلي ربي ان شاء الله بالنجـــــاح
بصلاة الرســــــول القصيــــدة تميت صلى الله عليه طــــــاه بولـــــــرباح
الشاعر : براهيمي الهادي
حـــــاسي بحبح
( تقرير عن مشاركة سيئة )، و الموجودة أسفل كل مشاركة .
2009-12-18, 20:03
(فراق الوالدة)
العرض الشجري