وين هو النقاش ياناس ؟؟ ...ممكن الحملة هادي ادا حبيتو؟؟

[ل..ب..ن..ى]

السلام عليكم

وانا نقرا في المواضيع
ككل يوم نمر على تقريبا كل المواضيع بالمنتدى اللي ماشفتهاش
وقبل هاد الخطوة نروح نشوف واش ردو على نقاشي تاع المرة اللي فاتت

رحت نشوف ...
ماكاش نقاش يا ناس
العضو يرد مرة واحدة ومايعاودش يرجع واش ناقشوه
على رده

ماخصناش شكرا على المرور الطيب
ما خصناش بارك الله فيك على الموضوع المميز وخلاص

خصنا نقاش

نعرفو بيه تعاريفنا لمصطلحات الحياة
نعرفوا ناس الشرق واش يخمو
ناس الوسط .. الجنوب ..و الغرب

هدف مواضيعنا اليس النقاش ؟؟
ادن اين هو ؟؟؟

لا اقصد ان صاحب الموضوع هو اللي لازم عليه
يرد على فلان وفلان
ماشي هو الوحيد اللي لازم عليه يناقش
ياك حنا بنو الانسان
ولكل واحد فينا شخصيته في الحياة وطريقة تفكيره
كل واحد عنده راي خاص

اعطيني رايك نتعلم منه
ربما رايي خطا من سيعلمني الصواب

هدا مجتمع المنتدى مجتمع يا اخوان
ومن المجتمع يتعلم الانسان

حبيت ندي خبراتكم اقاويلك عن كدا وكدا وكدا
حبيت نتعلم منكم
لما ادن الحرمان ....!

في احد المواضيع ماشي تاعي

تاع الحرقة
وكل واحد يحط رايه هناك

رحت ناقشت الردود تقريبا كلها
اللي ادعت النقاش
ورايي ماكاش كيما تاعها

رحت نشوف اليوم واش ردو ا عليا
ولاواحد فيهم رجع للموضوع !!
ولا واحد رد عليا النقاش
رغم ان رايي لم يكن كرايهم

لما عدم محاولة الاقناع ...؟

الا تهمكم اراؤنا ؟ الن تدافعوا على افكاركم

الدولة علمتنا نشوفو ونسكتو بالاك قعدت هده الصفة فينا !!
لازم نوضو لازم نتكلمو
بالاك نوصلوا في يوم من الايام الى تغيير احوال المجتمع في البلاد
من منتدى الاخوة وسامية فيه الاخلاق

ربي يخليكم لا تحرمونا من ارائكم في اي موضوع تشوفو فيه النقاش

لي لكم اقتراح:

ادا شفتو ان المواضيع كثرت اليوم ولم تروها انها تدعي النقاش
لما لا نتوقف عن فوضى المواضيع الجديدة
ونروحو نجددو مواضيع ايام زمان

يعني في الجلفة للمواضيع العامة
نروحوا للصفحات الاخيرة
نجيبوا المواضيع اللي كانت يومها شابة
ولم تتشبع بكم النقاش
لانه يومها المندى كان تقريبا فارغ مافيهش بزاف اعضاء

5 او 6 مواضيع لكل يوم
من خيرة ما كتب اخواننا الدين قاموا بالمنتدى ايام افتتاحه
وناقشوها افضل نقاش

خير من لي نحطوا 30 موضوع كل يوم
وفي كل موضوع ردود كثيرة
ولكن اغلبها تقول :

بارك الله فيك على الطرح المميز
شكرا لك على ما سردت ...!

سررت بمرورك فقد نورت صفحتي ...!

الى اين ؟؟؟

ربي يخليكم توقفوا
ويا الله نتعلموا من بعضنا البعض
وشعارنا

رايي صواب يحتمل الخطا
علمني ارجوك مما علمت

تحيتي وتقديري للكل

ماتفهمونيش خطا ربي يخليك
خاطر نحبكم

سلااااام