المنشار

[mohamed el]

واحد المرة خرج راجل بش يقطع الخشب وهو يمشي بجانب الواد سقط المنشار من يده في الواد وكان الواد غارق في هذه البلاصة وهو مايعرفش يغوص بقى واقف ويخمم واذا به تخرجله عاروس البحر وقالتله وشبيك متقللق وش يخصك حكالها القصة قالتله مكانش مشكل لحظة ويكون المنشار عندك وبالفعل عاود خرجت وفي ايدها منشار تاع ذهب وقالتله هذا هو قالها الحق مش هذا اتاعي مش من ذهب عاود غاصت وخرجت بمنشار تاع فضة قالتله هذا هو قاللها لا عاود غاصت وخرجت وفي ايدها منشار تاع حديد قالتله هذا هو قاللها انعم هو بالذات قالتله على الصدق اتاعك انزيدك معاه منشار الذهب ومنشار الفضة وفرح الراجل وشكرها وراح طاير للدار ودخل على مراتو وقصلها القصة فرحوا وتعدلت الامور بعد مدة طلبت منه امراتو أي زوجته اديني امعاك لهذا الواد المبروك قاللها هيا وهم حذا الواد تزلق زوجته وتغرق وبداء اعيط ياحورية البحر...يا.......يا.......... حتى خرجت قالتله وش بيك قصلها الحادثة قالتله لحظة وتكون عندك بالفعل مكانش لحظة خرجت ومعاها ننسي عجرم قالتله هذه امراتك قاللها هي بالذات قالتله اعلاه ياخداع قاللها والله مابي نخدعك ولكن خفت انقلك راهي خاطي اتعاودي اتخرجيلي هيفا وهبي وانعاود انقلك خاطي حتى هي اتعاودي اتخرجيلي امراتي وانقلك راهي هي تقوليلي احكمهم الثلاثة على الصدق التاعك في ذاك الوقت نتعب ويتخلط عقلي امالة قلت انقصها على المرة لولى

كان عجبتكم راهوا مازال والسلام يا اخواني