ألهذه الدرجة ..... ؟؟؟؟؟؟

[الحمامة البيضاء]

المشاركة الأصلية كتبت بواسطة dahmani28

والله تخلطت الأمور .....

قرأت في أحد الردود : وين راهي الحرمة تاع ناس بكري

الرجلة والنيف اللي عند الرجال راحت مع رجال بكري ونساء بكري...

أما اليوم حاجة أخرى ...

تصيب النساء في كل مكان النهار كامل وهوما يحوسوا ... بدون سبب أو فائدة ... قضيان تاع نص ساعة يجيبو فيه نهار

والعشية يقولوا لازم الرجال يحترمونا ويفتحولنا ابواب السيارة ويركبونا وهوما يقعدوا يستناو معليش .......سبحان الله واش قاعدين ديرو حتى للسبعة تاع للعشية...

كاين شي بنات يقعدوا في لقاءات الغرام حتى لعشية ومبعدا يقولو كيفاش ما يحترموناش ويخليونا نركبو قبلهم...

الراجل مسكين النهار كامل وهو يتعب وتجي لعشية باش يروح للدار يرتاح شوية يصيب مليون مرا تحوس تركب قبلو ...

المهم ربي يسهل على كل واحد......

أنا شخصيا عندي مبدأ خاص بيا نمشي عليه

نصيب مرا مع زوجها أو واحد من عائلتها نهبط ونخليهم يركبو في بلاصتي

أما غيرهم فالله يسهل عليهم .... مانيش انا لي قلتلها اخرجي من الدار ...

يتسمى نخدمو كيف كيف ونخلصو كيف كيف وفي النقل نهبط ونخليها تركب .... ههههه ... يخي حالة يخي

ولا تصيب 10 كيلو مكياج في وجها ويوصلها صديقها للسيارة ومبعدا نهبط ونخليها تركب في بلاصتي ...هههه... عجب

المراة اللي قاعدة في الدار ماعندهاش هذا المشكل... وكي تخرج تقضي تخرج الصباح وما تولي سريعا للبيت ....

المهم كل واحد كيفاش يشوف ... ربي يهدينا

تصيب النساء في كل مكان النهار كامل وهوما يحوسوا ... بدون سبب أو فائدة ... قضيان تاع نص ساعة يجيبو فيه نهار

والعشية يقولوا لازم الرجال يحترمونا ويفتحولنا ابواب السيارة ويركبونا وهوما يقعدوا يستناو معليش .......سبحان الله واش قاعدين ديرو حتى للسبعة تاع للعشية...

*أخي علاباك أحوال الدولة الجزائرية كيفاه ولات ،،رانا وين رايحين و حنا نوليو للأخير ،في رأيك وحدة عندها قضيان تع نص ساعة كيما راك تهدر يعني في بالك هي حتخلي روحا حتى السابعة مساءا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شيء مستحييييييييييييييييييل ، هي مابقات حتى السابعة غير كانت تخدم و لا تقرا و لا حكمها شيء ضروري لهاداك الوقت و راني متأكدة أنها بقيت لهدا الوقت لقضاء حاجتها....
قضيان تع نص ساعة و لا ساعة أمر يخصها هي و واحد معندو الحق يعلق و لا يدخل ...

كاين شي بنات يقعدوا في لقاءات الغرام حتى لعشية ومبعدا يقولو كيفاش ما يحترموناش ويخليونا نركبو قبلهم...

وشكون لي قالك أنا نهدر على تلك الفئة من البنات أنا هدرت على النساء بشكل عام ، و علاه راك دخل شعبان في رمضان ؟؟؟؟؟

الراجل مسكين النهار كامل وهو يتعب وتجي لعشية باش يروح للدار يرتاح شوية يصيب مليون مرا تحوس تركب قبلو ...

كيما راك تقول الراجل مسكين حتى المرأة لي قعدت لهاداك الوقت راهي مسكينة و الراجل قادر يدخل على السابعة خاطر راجل أما المرأة لي تدخل على السابعة شويا علاه لأنو هداك الوقت المرأة لي أحق بها تكون في المنزل ليس الرجل....

أنا شخصيا عندي مبدأ خاص بيا نمشي عليه

نصيب مرا مع زوجها أو واحد من عائلتها نهبط ونخليهم يركبو في بلاصتي

أما غيرهم فالله يسهل عليهم .... مانيش انا لي قلتلها اخرجي من الدار ...

مع كل إحتراماتي ليك علا حساب ماقلت من قبل و علا حساب وجهة نظرك للموضوع منظنش لأنه أني قلتلك من قبل ما خرجت من الدار غير إدا كانت مضطرة

يتسمى نخدمو كيف كيف ونخلصو كيف كيف وفي النقل نهبط ونخليها تركب .... ههههه ... يخي حالة يخي

يا أخي من فضلك أفهم المرأة و الرجل ماشي كيف كيف في هاد النقطة ، أنت تقبل أختك أو أمك أو إبنتك أنها تتعرض لهاد الموقف كل يوم ؟؟؟؟
الراجل يركب باه يوصل للدار و هي تبقا تتقابد باه تركب ؟؟؟؟؟ و زيد أنت لي قلتها نخدمو كيف كيف أنت راجل و تعبت من الشغل و حاب تروح باه ترتح أتخيل إمرأة مزروبا باه تروح تروح ماشي باه ترتح و لكن عندها أعمال أخرى تستنى فيها في المنزل لازم تخدمها

ولا تصيب 10 كيلو مكياج في وجها ويوصلها صديقها للسيارة ومبعدا نهبط ونخليها تركب في بلاصتي ...هههه... عجب

قلتلك من قبل راني نهدر على النساء بشكل عام

المراة اللي قاعدة في الدار ماعندهاش هذا المشكل... وكي تخرج تقضي تخرج الصباح وما تولي سريعا للبيت

بكلامك هادا حاب كل النساء يقعدو في الدار هكا ؟؟؟؟؟
واحدا ماتقرا و لا تخدم و لا تقضي ؟؟؟؟؟

سمعت بالقانون الجديد تع الدراسة لي تخلص على 5.00 و 5.30 تع لعشيا و لا لالا ؟؟؟؟؟؟
علابالك كاين لي يقرا بعيد على الدار و لازم عليه يحكم طاكسي باه يروح ولا لالا ؟؟؟؟؟؟
علابالك بلي الإكتضاض الموجود في كل المرافق يحتم عليك باه تسنى ساعة و ساعتين باه تقضي حاجتك و لا لالا ؟؟؟؟؟؟
و ... و .... و ....

.........................................

لي عودة للموضوع إن شاء الله