ماناش محتاجين

[مولود حداد]

ماناش محتاجين


إذَا كَانْ السُّفُورْ *** وْكَشْفْ الصُّدُورْ *** هَذَا هُوَ البَاسْبُورْ
لَلْحُرِّيَة مَانَاشْ مَحْتَاجِينْ

إذَا كَانْ الاِسْتِرْجَالْ *** وْالاِخْتِلاَطْ بَالرْجَالْ *** هَذَا هُوَ اللِّي مَازَالْ
لَلْحُرِّيَة مَانَاشْ مَحْتَاجِين

إذَا كَانْ المِينِي *** وْسَارْجْيُو تَاكِينِي *** وْلَبْسْ البِيكِينِي
حُرِّيَة مَانَاشْ مَحْتَاجِين

إذَا كَانْ التْبَهْدِيلْ *** وْسَهْرَاتْ اللِّيلْ *** وْجَرْ الوَالْدِينْ لَلْوِيلْ
حُرِّيَة مَانَاشْ مَحْتَاجِين

إذَا كَانْ التَفْشَاشْ *** وَالرَّقَابَة مَاكَاشْ *** وَالخِمَارْ قَطْعَة قُمَاشْ
حُرِّيَة مَانَاشْ مَحْتَاجِين

إذَا كَانَتْ النِّيَة *** أَنُّو البْنَاتْ فَالأَحْيَا *** تْوَلِّي عَارِضَاتْ أَزْيَا
حُرِّيَة مَانَاشْ مَحْتَاجِين



إذَا كَانْ العَفَافْ *** وَالمُحَافَظَة عَالأَعْرَافْ *** وْقَوْلْ لاَ لَلإِسْفَافْ
عُقْدَة حْنَا مْعَقْدِينْ

إذَا كَانْ الحِجَابْ *** وَلَبْسْ الجِلْبَابْ *** يْثِيرْ الاِرْتِيَابْ
وْ عُقْدَة حْنَا مْعَقْدِينْ

إذَا كَانْ الحَشْمَة *** وْمُرَاعَاة الحُرْمَة *** العْقَالَة وَالحَكْمَة
عُقْدَة حْنَا مْعَقْدِينْ

إذَا كَانْ السُّتْرَة *** وْفَضِيلَة الطَهَارَة *** وْتَجَنُّبْ الإِثَارَة
عُقْدَة حْنَا مْعَقْدِينْ

إذَا كَانْ الحَصَانَة *** وَالتَّمَسُّكْ بَالدِّيَانَة *** وْصَوْنْ الأَمَانَة
عُقْدَة حْنَا مْعَقْدِينْ