توحشتها كلمة من فمّك
توحشت لو نحضنك ونشمّك
في غيابك نتونس باسمك
يا كبيدتي ...يا زينوبة
توحشتها ...كلمة بابا
***
الله ..عندما تقولي " آبي "
في دخلتي بعد غيابي
تزول كربتي ..يزول سحابي
مع جريتك يا محبوبة
توحشتها ..كلمة بابا
***
شحال بنيتي هدّارة !!!!
وكلامها نغمة قيثارة
تعيد لي ، بفرحة وشْطارة
حروف في اللوحة مكتوبة
توحشتها .. كلمة بابا
***
نمشي معاها للجامع
في حجابها نور تشعشع
تبارك الله ..أحسن صانع
تحفة من الذهب مسكوبة
هذي بنيتي ..زينوبة
توحشتها ...واللهِ بابا
***
شحال رقيقة يا زينب
مع اخواتها ..تهرش ، تلعب
عيونها عليهم ..ما تغلب
صغيرة لكن ..كاللبة !!
توحشتها .. كلمة بابا
***
حويذقة وذكية بنتي
قداش من مرة رافقتِ
وتذكري ديما ما نسيت ِ
أمور من أمك مطلوبة
توحشتها .. كلمة باباا
***
من وحشك نخرج للرملة
وفي امواجها نقعد نتملّى
ونتخيل هاذيك الفحلة
تجري ..وما هي مغلوبة
توحشتها .. كلمة بابا
أولف ..صباح الجمعة
25 /01 / 2008
( تقرير عن مشاركة سيئة )، و الموجودة أسفل كل مشاركة .
2008-01-25, 11:22
توحشتها ..كلمة بابا
العرض الشجري