أدبي حائز على الباكلوريا مرتين متتالتين ..إسأل ..أستفسر ..لاتخجل ..

[sarah milano]

السلام عليكم و رحمة الله و بركاته اولا انا علمية لكنكم احسن أهل للمواد الادبية و عندي بعض الاستفسارات التي تشغل فكري كثيرا



اولها الفلسفة : العام الماضي كنت اكتب مقالات دائما صفحتين في الباك درت صفحتين و نصف و بفضل الله ديت 15,5

لكن هذا العام اعلم اذا حبيت نحسن العلامة تاعي لازم نكتب أكثر و هكذا بدأت اكتب مقالات تاع 6 صفحات يعني ممكن تقول حجة في ورقة
لكن التزم بعدم التمرار لكن دائما نخاف الاساتدة لو يملوا و يقولوا هذه في صفحة باش تهدر على فكرة او حتى مايقراوهاش
و مانديش علامة مليحة
لذلك ماهو رأيك هنا هل التزم بالطريقة

بالاضافة عندي استفهام في النقد هل انا ملزمة بنقد الحجج الجزئية ؟
و ميفاش ديروا باش تتدكروا ذلك الكم الهائل من المقالات
اما الرأي الشخصي هل مسموح لي نتوسع فيه كثيرا
و لكان جيني مقالة لم احظر لها كيف لي ان اتعامل مع الوضع ؟ (كم تخيفني هذه الفكرة )




ثم الادب العربي : كيفاش ديروا باش تلحقوا علامة كاملة في البناء الفكري و هل يكفي ان تطابق اجابتي الاجابة النمودجية لاحصل على العلامة الكاملة ؟ ام علي التوسع اكثر و ماذا فعلت انت لتحسن مردودك في البناء الفكري

و انماط النصوص دائما نغلط فيها مع العلم انني اعلم حيدا ماهي المؤشرات و دائما اراجعها لكن دائما نغلط بين الحجاجي و التفسيري و بين الوصفي و السردي حتى نقول بلي نحي نقطتين يعني حتى الاساتذة في تصحيحاتهم و كل واحد واش داير نمط و على نفس الموضوع هل من نصائح هنا




(كتبت بزاف عذرا ) و جزاك الله خيرا على الاجابة