للي يذوق البنة ما يتهنا مع تشيز كيك

[oum ayyoub]

هادي ثاني مرة عملت تشيز كيك البنة تاعو كيما للي يبيعوه في starbucks coffee مممم تقدرو ديروه راه ساهل و بابسط المكونات
المقادير
250غ بسكويت مرحي تقدرو ديرو بسكويت spéculoos المرة الجاية ان شاء الله غادي نديرو بيه و تاني غادي نقص السكر غادي ندير 150 غ سكر لان spéculoos حلو بزاف مقارنة بسكويت سابلي
50 غ زبدة سواء ذايبة او طرية
مبشور نصف ليمونة
20سلل كريمة سائلة او 100 غ كريمة طازجة
20سلل حليب
200 غ سكر
3 حبات بيض
مغرف كبيرة مايزينة او فرينة
600 غ جبن كريمي اما فيلاديلفيا او او كيري او جبن ماركة ليدر برايس او جبن كريمي ماركة كارفور او جبن saint moret
مبشور ليمونة
2 كيس لافاني
كولي الفواكه الحمراء اختياري ادا حبيتو ديرو هدا لازملكم جيلاتين انا درت جيلاتين نباتي agar agar
ولصنع كولي الفواكه الحمراء : 250 فراولة ، نصف عصير ليمونة ، 50 غ سكر و 10 سلل ماء نطحن الكل في الميكسور انا شريتو واجد

طريقة تحضير تشيز كيك :
نخلط البسكويت مع مبشور الليمون و الزبدة ثم نضعهم في الصينية و نضعها في الفرن 180 درجة مدة 10 دقائق



لا بد من وضع ورق الزبدة كما في الصورة او يمكن لف القالب بورق الالمنيوم انا درتهم للاتنين لانو الخليط يكون سائل و يخرج شوية من الصينية تاعي

في اناء نضع السكر و البيض و لافاني نخلط جيدا بالخلاط الكهربائي ثم نضيف مبشور الليمون و المايزينة ثم نضيف الجبن على اجزاء و هنا نقصوا لسرعة الباتور و نخلط ثم الكريمة السائلة و في الاخير الحليب



ثم نضع كل هذا الخليط فوق البسكويت في الصينية ستجدون ان هذا الخليط سائل لا عليكم سيجمد بعدما يتم طهيه
اعتدر نسيت ما صورتش كل المراحل
و نضعها في الفرن من التحت و يكون ساخن 250 درجة لمدة 10 دقاذق ثم قومي بخفض درجة حرارة الفرن الى 90 درجة لمدة ساعة و وبعد اتركي التشيز كيك في الفرن لمدة ساعة اخرى من دون اشعال الفرن ثم ادخليه للثلاجة ليلة كاملة
اذا الفرن تاعكم اقل من 250 درجة زيدو للوقت من عندكم ديرو حسابكم

يمكن ترك تشيز كيك كما هو و يمكن وضع فوقه كولي الفراولة او اي فاكهة مع خلطه بالجيلاتين انا وضعت 2 غ agar agar هو نوع من الجيلاتين النباتي بودرة و لكن استعماله يختلف عن الجيلاتين لمن اراد استعماله فانا هنا لتلبية الطلب




l]