اريد تحقيق حلمي

[لبؤة جزائرية]

المشاركة الأصلية كتبت بواسطة djihane25

slt ana c’est ma 3eme fois dit bac 2fois mé malha9tech la moyenne de medecine , jé bloqué l’année w rani nekra f dar + les cours rani prete bah ndir impossible bah nossél l mon reve alrs jé decidé nekra men 21h a 01h les matieres scientifique é nod bakri a 4h nehfad mé makdertech nod hada mon probleme lehfada 3awnouni 9olouli kifach ndir allé courage les amis rabi ykoun m3ana

حبيبتي شكرا علي مساهمتك
راني فاهمة شعورك
بللي حابة تحققي هاد الشي قد ماتقدري
انتي ربي كتبلك تعاوديه للمرة الثالثة
و مش مشكلة
مازلتي صغيرة و الدنيا قدامك
ربما كيعاودتيه خير ليك
و ربي دسهالك في حاجة اخري
انا كنت كل يوم نقول خلاص غدوا نبدا
غدوا نبدا
و ياما فشلت لما لقيت ناس ماتستاهلش تحقق احلامي
و تجرحني في ظهري
ياما قلت انا فاشلة ومامني والو
بللي راح الحال
بصح لالا
مازالو صح شهرين
بصح كون تعولو البركة تجي من عند الله سبحانه ماتنساوش الصلاة و الدعااااااء
مع الثقة بالله اولا
ثم الثقة بالنفس
ثم العمل و لاااااااااااااااا للانتظار هيا لنتقدم
من دون التفكير في الاخرين
لا تنظر من هو امامك او جنبك
فقط نتقدم و نفكر في هدفنا انو لازم نحققوه
انا واحدة من الناس كرهت اللي فات
مانيش حابة نعاااااااود كل مرة البااك
و نعيش قلق الباك
حابة ننجح بتفوق و نتهني
و نظن نتوما تاني نفس الشي
بالمناسبة اختي
راكي تضغطي علي نفسك كيف ترقدي علي 1 و تنوضي علي 4
الا تعلمين انو الضغط ايضا يولد الانفجااااااااااااار؟
لازم نكونو عقلانيين


علي الاقل ارقدي علي 23 كيما قالك السيد
و نوضي علي 5 يا سيدي
و اذا ماتقدريش كيحالتي الفنيااانة
اسهري حتي ل 2 تاع الصباح
و نوضي علي 7
ثم قيلولة من 17 الي 19 واش رايك؟



ملاحظة
اخطووكم من المسلسلااااااااات
هوما يعيشو حياتهم
و مستقبلهم زاهر
و احنا كيجايحين نتبعوهم و نضيعو وقتنا
بالاضافة الي الانترنت
الناس االلي مضيعه مستقبلها تكونيكتي و ضيعكم معاها بالكذب و الخروطي
لفففففففففف
اسالوني انا مجربة من السنة اللي فاتت
و الله مافادني واحد
ونهار اللي فشلت
كنت لوحدي حزينة
واحد ماوقف معايا بالعكس
ثم
البورتابل تاني
خطوكم منه
و اللله يضيعلكم الوقت
و صدقووني انو قليل اللي يستاهل ضيعو وقتكم مشانو
فكرو في والديكم كيييفرحو
ونهار تطلع النتيجة ناس كامل تزغرد و انتو كيفاه تكونووووووووووو؟

و الله تندمو كيتلقاو ناس قدام و انتو واحدكم متاخرين
لاتنسو القران
انيس القلوب
وحده الله من يستحق ان نبكي له
و نشكي له

تحياتي الخالصة لكم
اعذروو قلب امتلا من كل شي
و اعملو بنصيحتي
ربي يوفقكم اجمعين