دراستي ... خطيبي

[مشكلتي]

السلام عليكم و رحمة الله تعالى و بركاته
مشكلتي قد تبدوا للبعض غريبة ... و لاخرين بسيطة ... بصح والله غير كرهت حياتي احس اني مقيدة من كل الجهات ...
لن اطيل عليكم
انا فتاة مقبلة على شهادة الباكالوريا العام القادم ان شاء الله متفوقة في دراستي و الحمد لله
نحن نتنقل من ولاية الى اخرى نظرا لوظيفة والدي حسن لا مشكل في هذا فقد تعودنا عادي .... قبل عام تقدم شاب 22 سنة لخطبتي بالطبع لم اوافق فاخر شيئ افكر فيه الزواج , لكنه من عائلة راقية محترمة جدا و معروفة في تلك الولاية + اننا كنا نعرفوهم مليح ( كيما يقولو حبابنا ) و هذا ما اثر على عائلتي و رغم رفضي قعدوا يضغطوا عليا باش نقبل يقولولي خمي مليح و راح تندمي .... و بالطبع نجحوا في اقناعي و وافقت و يا ليتني لم اوافق فبعد 5 اشهر زدنا درنا الفاتحة و رغم اهتمامه الفائق بي و حب عائلته لي الا اني دائما منزعجة و لم احس يوما بشيئ اتجاهه .... شاءت الاقدار ان ننتقل لولاية اخرى ولاية من ولايات الشرق الجزائري مع العلم اننا كنا في الغرب و خطيبي من الغرب ايضا اول شيئ فكرت فيه يوم سمعت الخبر فسخ الخطبة لكن نظرا لبعد المسافة و كالعادة تتدخل عائلتي و عائلته و يقنعني هو ايضا و اغير رائي رحلنا و رغم بعد المسافة يجيني كل نهاية اسبوع و تجيني عجوزتي و نساباتي كل عيد او مناسبة بصح المشكل اني لا احس حتى اني مخطوبة و اهتمامه بي لا يعني لي شيئا كل همي دراستي و راهم مصرين عام مور الباك نديوا العرس و هذي لي زادت دوختني لا اريد ان ادخل بيت الزوجية في سن مبكر ما رانيش حابة نقرا و انا مسؤولة على دار و كل ما حاولت ان اتحدث لامي في هذا الموضوع تقولي حنا نحبولك مصلحتك ....
واش ندير !! حتى باش نفسخ الخطبة دركة ما نقدرش يعني عايلتوا تعودوا علية و يحبوني بزاف و حتى انا نحبهم و نحترمهم بزاف و نفسي ما تسمحليش نزعلهم و هو مستحيل يسمحلي لوكان يعرف بلي راني نخمم في حاجة كيما هذي ... و والدي متاكدة بلي لوكان نفسخ ما راحش يمنعوني بصح يزعفوا خاصة و انوا فاميلتوا نعرفوهم مقبل ... لكن دراستي !! احلامي !! اين ستدفن !