ابن عمي

[أسماء محمد محمد]

السلام عليكم جميعا و خاصة أختي الصغيرة ...........
أول حاجة نشكرك بزاف أنك حكيتي هذا الأمر و ماحشمتيش و هي بالفعل خطوة جيدة تدل على وعيك ..و ياريت الأخوات مايلوموكش و بالعكس ينصحوك ..
كلنا فتنا بمرحلة المتوسط و الثانوية و كنا بنات مغمورات و نرى المستقبل مفتوح امامنا و نرى أننا أذكياء و ..و ....و .....
لكن أغلاط حتى في هذه السن الصغيرة تقعد معانا لكبرنا ....أنا دركا كملت الجامعة و مازلني نتفكر البنات اللي عملو علاقات غرامية و اللي عملو مغامرات في هذا المجال لذلك نقول لك أختي بلاك تتهوري و كيما يقولو الباب اللي يجيك منو الريح سدو إستريح ننصحك باش تبتعدي على هذا المراقب و أحكي حكاياتك لأختك و لا لأمك هم أقرب ليك من اي شخص في هاذ الدنيا خاطرش إذا واصلتي مع هاذ المراقب و لو راكي تقولي هو متدين بصح مشكيتش هكذا رايحة تتطور العلاقة بالنسبة ليك أنتي و هو بالنسبة ليه هو عاقل قادر يتحكم في تصرفاته و رايح يحسبها مليح ....المهم نصيحتي ليك أخطيك من العلاقات مع الشباب لأنها رايحة تشغل لك عقلك و تأكدي بلي رايحة تهبطي في مستواك الدراسي إذا واصلتي في هذه الأمور ....تهلاي في قرايتك و بعلاقتك مع أسرتك و مع بنات عمك و صحباتك و إخطيك من هاذ الشيئ
سلام