تطبيقي لبقلاوة لابات فيلو لام كوثر ادخلو وشوفو شحال هايلة وبنينة اممممم

[ام ملاك.]

شحال وانا حابة نجرب بقلاوة لابات افيلو لام كوثر هذا وين كتبت كي جيت لدار اهلي قلت نجربها ونشوف اذا تخرجلي مليحة
وكيما كان الحال جربتها
اول ملاحظة لي كانت وداعا للبقلاوة التقليدية اللي تتعب وتشدلك نهار كامل وانت تخدمي فيها
ساهلة بطريقةاني خدمتها في اقل من ساعتين وطابت في اقل من 40 دقيقة وبنتها مانحكيلكمش اممممم عجبتهم قع خاوتي فرحو بزاف وعلى الزهر جاونا ضياف ههه حطينا منها عجبتهم
نخليكم مع الصور ودرك نحطلكم الرابط
هذا هو رابط الوصفة الاصلية
https://www.djelfa.info/vb/showthread.php?t=1009756

وهذا رابط العسل اللي درتو سبيسيال للبقلاوة
https://www.djelfa.info/vb/showthread.php?t=1095752

هنا كي كنت نخدم فيها كي درت الكاوكاو اسمحولي ماصورتش قع الخطوات كنت نخدم ويدي معمرة بالمايزينة ههه ومالقيتش اللي يعاوني ويصورلي خاوتي يقراو ههه
وفي اللخر شريت الزبدة ستار وشربتها بيها خرجت روعة

هنا كي خرجتها مباشرة للتصوار ماكانش كاين كاوكاو حب واجد امالا شورت علي ماما وقاتلي ديري هاد العقاش شباب وملون وبداخلو الزقوقو مانعرف واش تقولولو مي جا روعة ديكوراها

هنا كي عسلتها كي خرجتها من الفرن رشيتلها شوية بيسطاش (ماما تخدم القتطو بزاف عليها لقيت قع المكونات في الدار)












هنا اقرب صورة بنتي راحت ترفد حبة حكمتها في الصورة ههه

واش رايكم