مشاركتي في مسابقة شاف كوزينتنا الطبعة الــ2(الطبق الرئيسي)

[بريق الامل&]

الحمد لله على نعمة الاسلام وكفى بها من نعمة
وصلّ اللّهم على نبيّ الرحمة سيدنا محمّد وآله وصحبه

أحييكم بتحية الاسلام وأقول السلام عليكم ورحمة الله وبركاته...
وأسأل الله الذى جمعنا في هذا المنتدى ان يجمعنا فى دار رحمته ومقامه مع سيد النبين وخاتم المرسلين في جنته ودار مقامه..انه ولي ذلك والقادر عليه.حياكم الله احبائى اعضاء وزوار منتدانا الحبيب

جبتلكم هذا الطبق وان شاء الله يعجبكم
تاج الدجاج


نحتاج الى|~

المقآديــر |~


طبعا المكون الرئيسي صدر الدجاج
نرحيه بعد نزعه من الدجاجة وبعد تنظيفها جيدا

نحتاج الى لحم مرحي
بيض
قطرات عصير قارص
بصل وثوم
ملح وفلفل اسود وقرفة مرحية
قصبر ومعدنوس مقطعين
شوية زيت
شابليغ
نمزج صدر الدجاج المرحي مع حبة بيض وقصبر ومعدنوس وملح وفلفل اكحل وقرفة وشية زيت وقطرات ليمون
ثم ندهن القالب بالزبدة ونرشه بالشابليغ اي الخبز اليابس المرحي انا استعملت البيسكوت يباع جاهز
حبة كوجات
شوية زيتون مغليومقطع وحبتين او تلاثة فطر معلب مقطع رقيق و زبدة
ارز طايب شوية برك
2 حبة فرماج كيري
وكرام فراش


ونبدا بتغليف كامل القالب من الداخل بخليط صدر الدجاج نبدا بالقاعدة ثم الجوانب ونخلي شوية لتغليف السطح



ناتي للحم المرحي نذبل البصل في شوية زيت ونضيف اللحم ونقلب فوق النار مع ثوم مرحي وفلفل اكحل ومعدنوس مقطع


نرابي حبة كوجات ونقليها في مغرف زيت ونضيفا للحم المرحي


هنا نمزج اللحم المرحي الي طيبناه مع الكورجات المقلية و2حبات بيض وشوية روز مغلي ومعدنوس مقطعو5حبات زيتون مغلي ومقطع حبتين فطر معلب مقطع فلفل حار مقطع حسب الرغبة وشوية برك ملح وفرماج كيري مقطع وشوية كرام فراشمغرف زبدة ونفرغ في القالب




نغطي بالدجاج المتبقي المرحي وندير قطع صغيرة من الزبدة على السطح






ودخليه للفرن يطيب ختى يحمار
ثم حضري بطاطا تقدم مع الطبق تغلى وترحيها وتزيديلها معدنوس وزبدة وملح وفرماج وحبة بيض تخليها في الثلاجة تبرد واطبعيها على شكل ورود او بلابوش وزينيها بالزيتون الاسود و بالطماطم درتها على شكل قلوب وطيبيها في الفرن





تصنعي مرق ابيض تقلي شوية بصل مقطع في زبدة وزيت وحبات من الفطر وقرفة مرحية وفلفل اسود وملح و تمرقي بكاس ماء
وكي تعقد ديري شوية كرام فراش وحركي وطفي
تحبي تزيدي كريات صغيرة من لحم مرحي مقلية اختياري



ثم تقلبي تاج الدجاج او لا كوغون في صحن كبير وانثري فةقه فرماج رابي وسقي الرق ساير داير وقطرات من الكرام فراش وحطي وردات البطاطا وزينيه ويقدم


















اتمنى انو يعجبكم و تصوتولي