مشكلتي مع خطيبي

[مشكلتي]

السلام عليكم
و الله قد عجز لساني عن رواية حالتي
في سنوات الجامعة تعرفت على شاب مدة 3 سنوات أحببته و أحبني لدرجة الجنون و عمرو ماخسر معايا
المهم بعدما تحصلت على وظيفة تقدم هاذا الشاب لخطبتي لكنه بعد الخطبة أحسست أنه متردد بسبب البعد و أنا اللي كنت نحتم عليه سهلت عليه كل شئ باش نتزوجو المهم بعد ما قررت نتنازل على العمل التاعي لأنه يعتبر عائق في زواجنا بالرغم أنه قبل الخطبة كنا متفاهمين على الخدمو و هو اللي دار عليا خطيبي تغيرت المعاملة التاعو و عاد يحتقرني تغيير معايا تغير جذري
البارح قالي منتزوجوش حتى ل 2015 قتلو و أنا كيفاش نقول لدارنا
يعني راه يجيبلي فالسبايب باش يبطل مني
البارح هدرتلو صراحة قتلو إذا راك حاب تحبس قولي ماردش علي و ماعيطلي ماحوس عليا
كنا متفاهمين في الربيع نديرو الفاتحة
لكن و الله ماراني عارفة مصيري معاه دارنا و دارهم راهم متفاهمين و الخاتم راه شاريها ,
هو تبدل علي بزاف و ماعادش يحبني لاأدري لمادا و الله ماشاف مني غير الخير و كنت وفية جدا و سهلت عليه كل أمور الزواج عندي 4 سنوات معاه و عمري ماعرفت راجل غيرو و لاحبيت غيرو و الله غير راهم عيني منتفخين من الدموع و لاأدري واش ندير
راني متأكدة ماراهش حاب يتزوج بي و لكن منيش حا بة العيب يخرج مني و هو راه يكرهلي في خياتي باش العيب يخرج مني
أرجوكم رايو علي واش ندير و الله غير راني ضايعة و راني حاسة كرامتي في الأرض و منيش مصدقة الشئ هذا يخرج منو ,راه ذالني تاع الصح و أنا عندي 23 سنة جميلة جدا و إطار في وزارة المالية يعني حاجة ماراهيش خاصتني لكن و الله عمري محبيت غيرو
متقولوليش اسمحي فيه و الله ماراني قادرة نبعد عليه دقيقة,
راني كارهة حياتي
ادعولي معاكم ربي يفرج علي