حصريا من مطبخي وصفة البيني خطوة خطوة للاخوات الي طلبوها

[oum anas 69]

البسملة1
كيف حالكن اخواتي ان شاء الله في احسن حال
منذ مدة كنت حطيت صور لبعض الاكلات الي كنت نطيبهم و كان من بينهم وصفة البيني المحشو بالمعجون و كانوا طلبوا مني اخوات الوصفة بالتفصيل اذكر منهن اختي نيروز و اختي ام ياسين الزهراء .......
امالا اليوم كتب ربي و عاودتهم و جبتها ليكم بالتفصيل الممل مع الصور طبعا و اي سؤال انا في الخدمة اوكي يلا قولو بسم الله

المقادير هي
500g farine
42g levure fraiche wala 2 et demi c a cafe de levure seche
70gr de sucre normel
150ml de lait tiede
60gr de beurre mou ya3ni triya
3 oeufs
0.5c a cafe de sel ya3ni nisf mil3aka kahwa melh



تعجني المكونات مليح ثم تبداي تزيدي في الزبدة طرية حتان تشوفيها دخلت مليح في العجين و تولي عجينة طرية و رطبة و تبرق

راهي تجي تلصق شوية في يديك لازم تكوني قافزة معاها و عاوني يدك بشوية فرينة

لميها و كوريها و حطيها في مكان دافئ حتان تخمر ملييييييييييييح لآزم يتضاعف حجمها مليح











ثم خرجي منها الهواء ثم أقسميها كويرات صغار قد حبة المندرين الصغيرة



ثم ضعيهم فوق بلاطو مفرش بطرشونة و مرشوش بالفرينة متباعدين

غطيهم و خليهم يخمروا مرة أخرى


سخني زيت في مقلاة عميقة على نار ما بين هادئة و المتوسطة










اقليهم ثم أحشيهم كيما تحبي و رشيهم بالسكر الأرطب و شهية طيبة







و هذه الحبة اهديها الى الغالية على قلبي اختي نيروزمع كاس الكاباتشينو




و بلا ما ننسى اخواتي الاخريات كذلك


علبالي بلي راني كثرت الصور بصح على قولة اختي الوهرانية هذا منتدى و فيه مبتدئات
اليكم اخواتي بعض الملاحظات لنجاح وصفة البيني :
1-تستطعين إستعمال العجانة لتسهيل العجن انا هنا ماستعملتهاش لانوا مش اي وحدة عندها
2- يجب ان تبقى العجينة طرية كما في الصورة ممبعد كي تترتاح رايحة تشرب الفرينة السائل
3-لازم لازم العجينة تخمر مليح المرة الاولى انا خليتها 2 سوايع حتى تضاعف حجمها مليح
4- سخني الزيت على نار هادئة خلاص في مقلة او طنجرة عميقة و الزيت يكون بكمية لاباس بيها ( ما ديروش كيما انا المرة هادي غلطت في المقلة اوووووووووف جاني احباط )
5- ماتخلوش الزيت يسخن بزاف لانو حبات البيني رايحين يحماروا بسرعة من فوق بلا ما يطيبوا من الداخل و ماهوش بارد خطرش الحبات رايحين يشربو الزيت و يولوا ثقال
6-كيما قلتلكم لازم يكون الزيت غزير باه يقعدو الحبات فوق الزيت و مايلامسوش سطح المقلة باش مايتحرقوش و على نار هادئة انا تحرولي شوية بزيادة
ان شاء الله نشوف تطبيقاتكم و تنجحو فيهم كيما انا

و في الاخير ارجو منكن اخواتي الدعاء بصلاح ذريتي و الشفاء لوالديا
كما ارجو تقييمي و ابداء ارائكم لانها تهمني فلا تبخلن