||حكايات مشوّقة عن ورطات وقع فيها غيرنا و قد نقع فيها نحن كذلك .. شاركونا بالحلول و كونوا هنا بالقرب||.. مفآجآتـ متجددة.

[معاً إلى الله]

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته
و عليكم السلام و رحمة الله و بركاته ..
صباح الخير

صباح النور و الياسمين ..
وعلاش عليك وعلاش دورتيلي قلبي
اخخخخخخخخخخخخخخخخخخخ اعععععععععععععععععععععععععع افففففففففففففففففففففففف
يا ربيييييييييييييييييييييييييييييييييييييي
أأأأأأأأأأأأأأأأأأأأأأأأأأأأأأأأأأأه
وش هاد الموضوع المقرف مع الصباح
وعلالالالالالالالالالاش عليك تعملي فيا هك


سلامة قلبك أختي الكريمة ..
لازم نهدروا على كلّ الورطات لي ممكن تصادفنا ..
و اذا ما هدرناش عليها راح تتفاقم الأمر الى الأسوأ ..
مام انا دار قلبي كي درت الموضوع ..
لكن واش نديرو .. احيانا نخاطرو بسلامة قلوبنا من أجل سلامة الجميع ..

[ الظاهر راكي كي حالتي أو أكثر .. ]

شوفي الحل الأول تاع هاداك الصرصور الي فات على رزيقة مسيكينة انها تضربو بالبشماق و من بعد تجيب مشوارة و تهزو بيها

.. انا في مكانها و الله ما نديرها بالمشوارة ..
اذا تجرأت و قتلتو هذا ان كان صغير طبعااا ..
راح نحملو بالبالة تاع المكنسة .. و عينيا بعيدة عنه

اخخخخخخخخخخخخ يا غداد قلبي يعيف
و الا تعمل مثلي انا دايما عندي مبيد حشرات في المنزل نعطيه رشة ندوخو بيها و من بعد نعيط لرب البيت يا فلاااااااااااااااااااااان يجي يرفدو
اما اذا كان كبير و عندو قرون و جوانح فنقلك الصح رب البيت يجي يتكفل بالمهمة يا فلااااااااااااااااااااان
طقطقطقطقطقطقطق يعطيه خبطات بالبشماق و انتهت

.. رانا كامل نعيطو للفلاااان ..
الحمد لله أن كان فلاننا مش خواف .. و الا حلت الكارثة ..


درك نرجعو للمشكل اذا كان هذا الوحش اسكن و عشش في المنزل فانا نقولك لأني عندي تجربة

.. ايه قوليلنا برك .. نريد ان نعرف تجارب الكلّ ..

"يا يما يا يما حسيت حاجة تمشي في رقبتي آآآآآآآآآآآه"
لالالا راسي راهو ياكل فيا رغم اني هاد وين خارجة من الدوش

.. ياااااااااااااععععع بركاي ما تخوفي فيااا ..
مام انا اصبحت نتحسس و نتخايل فيه امامي ..
وااااااااااااع ..
سبحان الله ترى لما تأتينا هذه التخيلات ..
كل شيء راه يدغدغ و يتحرك في تصورنا بمجرد ذكر تلك الحشرة ..


شوفي منذ مدة طويلة و سنوات عديدة سكنت في منزل كان مهجور لمدة 8 سنوات
لما سكنت لم انتبه لشيئ و لكن بعدين وش لقيت القرلو يمشي فيه بكل حرية و طلاقة في النهار و نلقاه في جميع الأماكن تخيلي حتى في الراديو و في التلفزيون نلقاه

.. شوفي شوفي على جرأته ..
نعم كاينين ذاك النوع لي يحسب روحو هو مول الداااار ..
تلقايه يمشي بدون خوف أو رعب ..
يمشي و يتكسّل و يصبح أهل الدااار هم لي يهربو مش هو لي يهرب ..

اععععععععععععععععع
ايا لم اجد من بد نضت هزيت كل اثاث الكوزينة و حطيتو في غرفة و فوت على الحيوط الصبغة "لأنه يقولو ريحة الصبغة تنحيه" و كان هاداك الوقت نوع قاتل للحشرات يسمى الطباشير هو يشبه للطباشير و لكنه اعرض منه و في علبة برتقالية اللون "خسارة ماعنديش الصورة تاعه"
صدقوني انه راح كامل لم تبقى ولا واحدة
و عملت هاد الشيئ مع كل الغرف

.. نعم كاين الطباشير ..
لكن نظن مفعولوا مش قوي؟
لا اعرف النوع لي راكي تحدثينا عنو في العلبة البرتقالية !!
الحمد لله لي تهنيتي منو اخيرااا ..


يعني باختصار حاربته محاربة و قعدت لمدة تقريبا 8 سنوات و انا افتخر بنفسي انه لا يوجد في منزلي وحوش ضارية اسمها القرلو

.. عندك الحق تفتخري و تزيدي .. نستعرف بيك ..
لحد الصيف الماضي سكنت مقابلتني جارة "ربي يهديها" ايا وش لقيت .... حشرة قدام باب داري
طبعا كرازيتها لا مفاوضات لا عمار بوزوار لأنه مش مسموحلها بالدخول

.. أضحك الله سنك يا أختي ..
كي كرازيتيها أحسن ما فعلتِ ..


و لكني قعدت موسوسة و خاصة و اني راح نسافر للتصياف فما كان مني الا اني عملت استشارات على مستوى عالي مع اخواتي و جاراتي و اصحاب المحلات و كلهم اجمعو انه الساشية الخضراء الصغيرة الي قالت عليها سندس و حطيتي صورتها هي فعالة جدا
و هي تجدي فيها حبيبات كيما نتاع الخميرة المهم اني رفدت كلشي و رشيته و كثرت اكثر بجانب الباب
و عملت خطة جهنمية باني وريته لجارتي باش تستفاد معايا

.. و الله غير فحلة و نص و ............. 25 ..
ربي يجازيك كل خير ان وريتيه لجارتك و يحفظك من كلّ سوء و لا يبليك مرة أخرى بأي مكروه ..
هيه الساشية الخضراء راه شاااع مفعولها ..
و تبقى الوقاية خير من العلاج ..

هاد هي تجربتي باختصار
الطباشير الخاص بالقرلو و الساشية الخضراء
و نقولها و بكل فخر يالوكان ذبانة مانسمحلهاش تدخل لداري

.. و هو كذلك أختي الفاااضلة ..
ربي يقدرك و يعينك و كل المسلمين ان شاء الله ..



اوف و اخيرا كملت هاد الموضوع المقزز و المقرف و الي يعيف و يدور القلب
شوفي انا نطالب بموضوع يمسحلنا قلوبنا المرة الجاية ياله يكفي المعاناة الي عشناها

ما يكون الا خاطرك أختي الكريمة ..
أشكركِ على تحمّل هذا الموضوع و مشاركتكِ معنا بالرغم من قرفك و تقديمكِ للنصائح الفعااالة ..
كانت مشاركتكِ جدّ مميزة رغم دوران قلبك ..

معليش مرّة على مرّة تحملينا شوية ..
لأنو لازم نحكو على أغلب الورطات لي ممكن نوقعوا فيها ..
و اذا ما وقعناش فيها نحن قد يقع فيها غيرنا ..
فلابد أن نقدّم لهم المساعدة من تجاربنا ..



أتمنى أن لا تبتعدي كثيرااا ..
سننوّع المواضيع تدريجيااا و مفاجآت عديدة تنتظركم فكونوا بالقرب ..

تحياتي أخهتي أريج ..
طمنينا عليك ..