وأخيـــــــــــــرا مشروب الشكولا الساخن البنين

[ريم الفلى]

السلام عليكم حباباتي تاع الجلفة إن شاء الله تكونوا بخير
في الحق عندي مدة وأنا نحوس على الوصفة تاع مشروب الشوكولا الساخن على خاطر نموت على الشوكولا ههههه المهم بلا ما نطول عليكم سقسيت عليه وسيتوا وجاء هاااااااااايل
لكنني كي جيت نكتب الموضوع معرفتش نطلع التصاور خسااااااارة
بلا ما نطول كثر هذي هي المقادير البسيطة اللي ستعملتها أنا وصدقوني مشروب ولا أروع
المقادير:
1/ثلاث كيلات من الشوكولا المبروشة
2/كيلا من الحليب البودرة
3/ لتر من الحليب السائل
4/ لافاني وسكر حسب الرغبة
5/ عود قرفة
طريقة التحضير
حطي في طاوة الحليب السائل حتى يبدأالحليب بالغليان ثم نضيف الشوكولا المبروشة وبودرة الحليب ونتركه يغلي لمدة دقيقة واحدة مع التحريك بالفوي (المضرب اليدوي)
وأخيرا نضيف لافاني والقليل من السكر (أنا أضفت 2 ملاعق كبار) سوف نحصل على مزيج لزج نوعا ما (خاثر وبنين)
ثم نسكبه في إبرق فيه عود من القرفة لتعزيز نكهة الحليب ونحرك مرة أخرى بواسطة عود القرفة ونسكبه في فناجين التقديم
نتمنى من كل محبات الشوكولا أنهم يجربوه
:m h31: